ज्याकलिनलाई छायांकन चटारो

नजिक न्युज संवाददाता    

ज्याकलिनलाई छायांकन चटारो

मुम्बई । बलिउड अभिनेत्री ज्याकलिन फर्नान्डिजलाई पछिल्लो समय भ्याई नभ्याई छ । आफू एकपछि अर्को गर्दै पाँचवटा फिल्ममा अनुबन्धित भएको उनले बताएकी छन् ।

यतिबेला उनी बलिउड फिल्म राम सेतुको छायांकनमा छन् । गत सातासम्म फिल्म बच्चन पान्डेको सुटिङमा व्यस्त रहेकी उनी सो फिल्मको छायांकन नसकिँदै अर्को फिल्म राम सेतुमा अनुबन्धित भएकी छन् । राम सेतुको छायांकन अयोध्याबाट सुरु गरिएको छ ।

यो फिल्मको छायांकनमा उनी केही दिन मात्र रहने छन् । त्यसपछि बाँकी रहेको बोल बच्चनको छायांकन सक्नेछिन् । कोरोना भाइरसको बिगबिगीका कारण सबै निर्माता चाँडोभन्दा चाँडो फिल्म सक्ने पक्षमा रहेकाले एकै सिफ्टा आफूले दुईवटा फिल्मको काम यतिबेला गर्नुपरेको अभिनेत्री ज्याकलिनले बताएकी छन् ।

अभिनेता अक्षयकुमारले ज्याकलिनलाई दबाब नहुनेगरी राम सेतुको छायांकनको सेड्युल मिलाएका छन् । जसका कारण आफूले एकै समयमा दुईवटा फिल्ममा काम गर्न सकेको यी अभिनेत्रीको कथन छ ।

राम सेतुको छायांकन सकिनासाथ उनी नयाँ फिल्म किक २ मा व्यस्त हुनेछिन् । यो फिल्ममा उनी सलमान खानको जोडीका रूपमा प्रस्तुत हुँदै छन् । किक २ मा उनी गत वर्ष नै अनुबन्धित भएकी हुन् ।

त्यसो त उनी अर्को फिल्म भूत पुसिलमा पनि प्रस्तुत हुँदै छिन् । यो फिल्ममा अक्षयकुमार सैफ अली खान, यामी गौतम र अर्जुन कपुरसँग प्रस्तुत हुँदै छिन् । आफू अभिनेता रणबीर सिंहको साथमा नयाँ फिल्म सर्कसमा पनि अनुबन्धित भएको उनले बताएकी छन् । यो फिल्मलाई उनले निर्धारित समय दिन सकेकी छैनन् । कोरोना भाइरसको महामारीका कारण आफ्ना फिल्मको विगतमा छायांकन हुन नसकेको र यतिबेला एकै साथ फिल्मको छायांकन जुधेको उनले बताएकी छन् ।

यसरी यतिबेला पाँचवटा फिल्मको छायांकनको चटारोमा रहेकी यी अभिनेत्रीले एकपछि अर्को गर्दै छायांकन सम्पन्न गर्ने बताएकी छन् ।



बिहिबार १९, चैत २०७७ ०८:२६ मा प्रकाशित

प्रतिकृया दिनुहोस


Copyright © 2019 - najiknews.com.