बुढिनन्दा नगरमा बैंक मार्फत सामाजिक सुरक्षा भत्ता वितरण गरिने

नजिक न्युज संवाददाता    

बुढिनन्दा नगरमा बैंक मार्फत सामाजिक सुरक्षा भत्ता वितरण गरिने
नगर–उपप्रमुख सृष्टी रेग्मी एकजना वृद्धालाई चेक हस्तान्त्रण गर्नु हुदै ।

बाजुराः बुढिनन्दा नगरपालिकाले पारदर्शितालाई जोड दिदैँ सामाजिक सुरक्षा भत्ता अबबाट बैंक मार्फत वितरण गर्ने निर्णय गरेको छ । सामाजिक भत्ता लिने ९ वटै वडाका नागरिकलाई बैंक मार्फत सामाजिक सुरक्षाको रकम वितरणको तयारी नगरपालिकाले गरेको हो । 

नगरपालिकाका हरेक क्रियाकलापलाई बैंक प्रणाली र प्रविधिमैत्री बनाउँदै जाने उप–प्रमुख सृष्टी रेग्मीले बताएकी छन् । अब भत्ता पनि बैंकले वितरण गर्छ, यसले पारदर्शितालाई थप मजबुत बनाउने विश्वास लिएको बताईन् ।

केही जनप्रतिनिधिको रोहबरमा वडा सचिव मार्फत नगद हातहातै वितरण गर्दै आएको सामाजिक सुरक्षा भत्ता यसै आर्थिक वर्षको दोस्रो चौमासिकदेखि बैंकबाट वितरण गर्ने तयारीमा लागेको बताईएको छ ।

May be an image of 12 people, including Shristi Regmi and Shahi Pawana and people standing नगर उप–प्रमुख रेग्मीले भनिन् यस अघि हातहातमै वितरण गर्दा १७% रकम अनियमिता हुने गरेको थियो ।  अब बैंकबाट सामाजिक सुरक्षा भत्ता वितरण गर्ने प्रक्रिया सुचारु गरे पश्च्यात  न्यूनीकरण हुने विश्वास गरेको बताइन् ।

एक औपाचारिक कार्यक्रमका बिच रेग्मीले एक जना वृद्धालाई सामाजिक सुरक्षा भत्ता रकम प्रदान गर्ने चेक हस्तान्त्रण गर्दै बैंकिङ सेवा सुचारु गरेको हो ।   



आइतबार ११, माघ २०७७ ०७:४४ मा प्रकाशित

प्रतिकृया दिनुहोस


Copyright © 2019 - najiknews.com.