नजिक न्युज https://www.najiknews.com नजिक न्युज - नजिक न्युज en-US hourly 1 Copyright 2021 Thu, 05 Aug 2021 16:26:25 +0545 जमिनका मालिक हुने बाजुराका भूमिहिनका सपना अधुरै, ७० प्रतिशत पुगेको काम अलपत्र https://www.najiknews.com/news/8872 Thu, 05 Aug 2021 14:15:35 +0545 https://www.najiknews.com/news/8872 २०७८ बैशाख ५ गतेबाट ३५ दिने फारम भर्ने काम अघि बढाईएकोमा सो अवधी भित्र अधिकांश स्थानीय तहमा ७० प्रतिशत काम सम्पन्न भएको बताईएको छ । हिमाली र खप्तड छेडेदह गाउँपालिका बाहेक अन्य ७ वटा स्थानीय तहले ७० प्रतिशत बढी काम सकिसकेका छन् । बाजुरा : सरकारले भूमि सम्बन्धी समस्या साधान आयोग खारेज गरेसँगै सम्पूर्ण काम कारवाही अलपत्र परेका छन् । ७० प्रतिशत बढी काम सकिएको अवस्थामा आएर आयोग खारेज गरेपछि सम्पूर्ण प्रक्रिया अलपत्र परेको छ ।

वर्षौदेखि सुकुम्बासी बस्न बाध्य भूमिहिन जनताका सपना अधुरै मात्र बनेका छैनन्, राज्यले आयोग मार्फत गरिएको लगानी र कामको उपलब्धी अनिश्चत हुने देखिएको छ । राजनीतिक प्रतिशोधकै कारण आयोग खारेज गर्दा काम प्रक्रिया सबै अस्तव्यस्त बनेको आयोग जिल्ला समिति बाजुराका विज्ञ सदस्य प्रसाद पाध्ययाले बताएका छन् । 

बाजुरामा मात्र १ हजार बढीको संख्यामा रहेका भूमिहिन सुकुम्बासीले जमिन पाउने गरिएको आश निराशामा परिणत भएको छ । मुक्त हलिया समुदायमध्ये अधिकांश भूमिहिन अवस्थामा छन् । सबै सुकुम्बासीको सपना चकनाचुर बन्ने अवस्था आएको भूमि समस्या समाधान आयोग जिल्ला समिति अध्यक्ष रामलाल कार्कीले बताएका छन् । 

बाजुरा जिल्ला समितिका सदस्यले २०७७ माघ २४ गते नियुक्त तथा सपथ ग्रहण गरेका थिए । २०७७ सालकै फागुन १० बाट कार्यालय उद्घाटन र जिल्ला स्तरीय कार्यक्रम गरेर आफ्नो काम कारवाही अघि बढाएको थियो । 

२०७७ फागुन २८ देखि चैत्र १० सम्म अभिमुखिकरण गोष्ठी सकाएर सोही क्रममा ४ हजार सुकुम्बासीका फारम र ६ हजार अव्यवस्थीत बसोबासीका फारम वितरण गरिएको बाजुरा जिल्ला समितिका विज्ञ सदस्य प्रसाद पाध्यायले बताएका छन् ।

२०७८ बैशाख ५ गतेबाट ३५ दिने फारम भर्ने काम अघि बढाईएकोमा सो अवधी भित्र अधिकांश स्थानीय तहमा ७० प्रतिशत काम सम्पन्न भएको बताईएको छ । हिमाली र खप्तड छेडेदह गाउँपालिका बाहेक अन्य ७ वटा स्थानीय तहले ७० प्रतिशत बढी काम सकिसकेका छन् ।

फारम भरेर अन्तिममा लालपुर्जा पाउने अवस्थामा सरकारले भूमिहिन माथि अन्याय गरेको आरोप आयोग समिति सदस्यको छ । फारम भरेका मध्येबाटै पनि उपप्रमुख उपाध्यक्षको संयोजकत्वमा गुनासो सुनुवाइ समिति बनाएर स्थानीय तहबाटै समस्या समाधान गर्ने लक्ष्य आयोगले राखेको थियो ।

वडा सचिवलाई नै जिम्मेवारी दिएइको थियो । बाजुरामा ४ हजार सुकुम्बासी हुने अनुमान गरिएपनि १ हजारको संख्यामा मात्र सुकुम्बासी रहेको फारम भरिएका तथ्यांकले देखाएको विघटीत आयोग जिल्ला समितिका विज्ञ सदस्य प्रसाद पाध्यायले बताएका छन् ।

उहाँका अनुसार १२ हजारको संख्यामा अव्यवस्थीत बसोबासी हुने अनुमान गरिएकोमा ४ हजारको संख्यामा मात्र हुने अनुमान गरेको बताएका छन् । सरकारले फारम भरेर जमिन पाउने आशमा बसेका भूमिहिन दलित समुदायलाई निराश बनाएको छ । 

अध्यक्ष रामलाल कार्की, विज्ञ सदस्य प्रसाद पाध्याय, महिला सदस्य कर्मकला रोकाया, वन, कृषि र मालपोत कार्यालयका प्रमुख ता समन्वय अधिकारी सदस्य सचिव रहने गरि ७ सदस्यीय जिल्ला समितिले अन्तिम टुंगो लगाउने व्यवस्था रहेको थियो । 

यो अवधीमा ६ वटा वैठक बसेको र सबै नौ वटै स्थानीय तहमा अभिमुखिकरण र समन्वयात्मक बैठक सकिएको थियो । बढीमा १५ देखि २० दिन काम गरे सबैले लालपूर्जा हातमा लिन मात्र बाँकी रहने अवस्थामा पुगेको बेला आयोज खारेज गरिएको छ । 

आयोग खारेजीको निर्णयलाई राजनीतिक रुपमा प्रवेश पाएपछि व्यक्ति हटाएर आयोग नहटाउनु पर्ने माग चर्को रुपमा चलिरहेको छ । केपी ओली नेतृत्वको सरकारले अन्तिम आयोग गठन गरि सबै भूमिहिनलाई जमिन दिने नीति अघि सारेको थियो । 

आयोग गठन पछि २१ करोड खर्च भइसकेको र ७० प्रतिशत काम पुरा भएको बेला आयोग खारेज गर्दा चौतर्फी आलोचना भएको छ । आयोगले करिब २० लाख भूमिहिनलाई जमिन उपलब्ध गराउने र अव्यवस्थीत बसोबासमा रहेकालाई प्रक्रिया पुर्याएर जमिन दिने नीति लिएको थियो । सो वापतको राजस्व मात्र ६ अर्व उठ्ने अनुमान गरिएको थियो ।

 

]]>
त्रिवेणीका जनप्रतिनिधी महिलालाई नेतृत्व क्षमता विकास तालिम https://www.najiknews.com/news/8871 Wed, 04 Aug 2021 20:03:33 +0545 https://www.najiknews.com/news/8871 कार्यक्रम गएको वर्षदेखि बडिमालिका र त्रिवेणी नगरपालिकामा सञ्चालन भइरहेको छ । बडिमालिकाका २८ जना महिलाका लागि हिजो मात्र तालिम सञ्चालन गरिएको थियो । आजबाट फेरि त्रिवेणी नगरपालिकाका २८ जना सहभागि सहीतको तालिम सञ्चालन गरिएको पेभ कार्यक्रमका सामाजिक परिचालक विक्रम साउँदले जानकारी दिएका छन् । बाजुरा :  त्रिवेणी नगरपालिकाका जनप्रतिनिधी र अगुवा महिलालाई नेतृत्व विकासका लागि क्षमता अभिवृद्धि तालिम सञ्चालन गरिएको छ । जनप्रतिनिधी महिलाको क्षमता विकास र नेतृत्व क्षमता अभिवृद्धिका लागि तीन दिने तालिम सञ्चालन गरिएको हो ।
महिला विकास मञ्च र टेवा नेपालको सयुक्त सहकार्यमा सञ्चालित पेभ कार्यक्रम अन्र्तगत नगरपालिकाका १९ जना महिला जनप्रतिनिधी र ९ जना अगुवा महिलालाई तालिम प्रलदान गरिएको हो ।

जनप्रतिनिधी महिलाहरु नामले मात्र नभइ कामले नै नेतृत्व लिन सकुन भन्ने उदेश्य सहीत तालिम सञ्चालन गरिएको महिला विकास मञ्चका कार्यकारी निर्देशक उजा विष्टले बताएकी छन् ।

कार्यक्रम गएको वर्षदेखि बडिमालिका र त्रिवेणी नगरपालिकामा सञ्चालन भइरहेको छ । बडिमालिकाका २८ जना महिलाका लागि हिजो मात्र तालिम सञ्चालन गरिएको थियो । आजबाट फेरि त्रिवेणी नगरपालिकाका २८ जना सहभागि सहीतको तालिम सञ्चालन गरिएको पेभ कार्यक्रमका सामाजिक परिचालक विक्रम साउँदले जानकारी दिएका छन् ।

सिमान्तकृत महिलाहरुको आवाज तथा सहभागिता कार्यक्रमलाई वुमनकाइन्ड युकेको सहयोगमा परियोजना सञ्चालन गरिएको छ । बडिमालिका नगरपालिकाको हलमा आयोजना गरिएको तालिम महिला विकास मञ्चका पूर्व अध्यक्ष जुना दानीको अध्यक्षतामा सञ्चालन गरिएको हो ।

तुलाराम जैशीले सहजिकरण गरिराख्नु भएको तालिममा महिला नेतृत्व, क्षमता विकास, जनप्रतिनिधी महिलाको भूमिका, काम कर्तव्य र अधिकार, नेतृत्वमा हुनु पर्ने गुण र बिशेषता बारे जानकारी गराइएको छ । 

 

]]>
क्लिनिकको लापरबाहीले भारतमा बाजुराका दुई जना बालकको ज्यान गयो https://www.najiknews.com/news/8870 Wed, 04 Aug 2021 20:00:20 +0545 https://www.najiknews.com/news/8870 ‘दोस्रोपटक क्लिनिक लगेपछि बच्चालाई सुई लगाइएको र सुई लगाएपछि १०÷१० मिनेटको फरकमा दुवै बच्चाको मृत्यु भएको बुझीएको छ । दुवै बालबालिकाको मृत्युपछि मनबहादुरका आफन्तजन र नेपालीहरूले क्लिनिकबाहिर नाराबाजी गर्दै स्वास्थ्यकर्मीलाई कारबाहीका लागि माग गरेका थिए । बाजुरा :  भारतको नयाँदिल्लीमा एउटा क्लिनिकको लापरबाहीका कारण आइतबार साँझ एक नेपाली दम्पतीका कलिला दुई सन्तानको ज्यान गएको छ । बाजुरा बुढीगंगा नगरपालिका–५, नुवाघरका मनबहादुर विककी ६ वर्षीया छोरी लक्ष्मी र तीन वर्षीय छोरा विशालको स्वास्थ्यकर्मीको गलत औषधिका कारण मृत्यु भएको भन्दै परिवारले प्रहरीमा उजुरी दिएको छ । 

मनबहादुरले दिल्लीमा १५ वर्षदेखि चौकीदार पेसा गर्दै आएका छन् । आइतबार अपराह्न दुवै बच्चाले बान्ता गरेपछि मनबहादुरले शालिमारबागस्थित शुभम डाइग्नोस्टिक सेन्टरमा लगेर जँचाएका थिए । 

‘क्लिनिकका स्वास्थ्यकर्मी वेदकुमार गर्गले दिएको औषधि खाएपछि दुई बालबालिकाले झनै धेरै बान्ता गरे,’ घटनापछि प्रहरी र नेपाली दूतावाससँग समन्वय गरेका अखिल भारत नेपाली एकता मञ्चका केन्द्रीय सचिव आरवी खड्काले दिल्लीबाट टेलिफोन मार्फत बताएका छन् । 

‘दोस्रोपटक क्लिनिक लगेपछि बच्चालाई सुई लगाइएको र सुई लगाएपछि १०÷१० मिनेटको फरकमा दुवै बच्चाको मृत्यु भएको बुझीएको छ । दुवै बालबालिकाको मृत्युपछि मनबहादुरका आफन्तजन र नेपालीहरूले क्लिनिकबाहिर नाराबाजी गर्दै स्वास्थ्यकर्मीलाई कारबाहीका लागि माग गरेका थिए ।

लापरबाहीपूर्ण तरिकाले गलत औषधि दिएका कारण छोराछोरीको मृत्यु भएको भन्दै मनबहादुरले उनीविरुद्ध कडा कारबाहीका लागि सोमबार माग गरिएको खड्काले बताएका छन् । ‘बच्चाहरूलाई सुई लगाइदिने र औषधि दिने प्रहरीको निगरानीमा छन्, तर पक्राउ नगरिएको बुझीएको छ । 

प्रारम्भिक अनुसन्धानमा स्वास्थ्यकर्मी गर्ग एमबिबिएस डाक्टर नभएको खुलेको छ । ‘हाम्रा सिएमए टाइपका स्वास्थ्यकर्मी रहेछन्, उनको २५ वर्ष पुरानो सर्टिफिकेटमाथि प्रहरीले छानबिन थालेको छ, क्लिनिक बन्द गरिएको बताइएको छ । 

खड्काका अनुसार मृतक बालबालिकालाई आइतबार झांगिपुरी लगिएको थियो । ‘सफ्दरजंग अस्पतालसहित तीनवटा अस्पतालका डाक्टरलाई राखेर उनीहरूको शव पोस्टमार्टम  भएको हो । मृतकको १५ जना प्रहरीको उपस्थितिमा हैदरपुरस्थित घाटमा उनीहरूको दाहसंस्कार भयो ।’ मनबहादुर चौकीदार हुन् भने उनकी श्रीमती घरेलु कामदार हुन् । नेपाली दूतावासले पनि दिल्ली प्रहरीसँग समन्वय गर्दै मेडिकल ऐनअनुसार कडा कारबाहीका लागि आग्रह गरेको छ ।

]]>
भूमि आयोग खारेजको विरोधमा बाजुरामा सरकार विरुद्ध जुलुस प्रर्दशन https://www.najiknews.com/news/8869 Wed, 04 Aug 2021 19:58:58 +0545 https://www.najiknews.com/news/8869 नेकपा एमाले निकट युवा संघ, अनेरास्ववियु, नेपाल खेलकुद महासंघ, युथ फोर्स लगायतका संगठनले सयुक्त रुपमा विरोध प्रर्दशन गरेका हुन् । सुकुम्बासी जनतालाई जमिनको अधिकार दिने गरि व्यवस्था गरिएको आयोग खारेज गरेर सुकुम्बासी माथि अन्याय गर्र्ने गठबन्धन सरकारका विरुद्धमा विरोध गरिएको नेपाल खेलकुल महासंघ बाजुराका सचिव लक्ष्मण रोकायाले बताएका छन् । बाजुरा : सरकारले भूमि समस्या समाधान आयोग खारेज गरेको विरोधमा बाजुरामा प्रर्दशन गरिएको छ । भूमिहिन जनताको जमिन माथिको अधिकारमा बन्देजगर्ने जनविरोधी निर्णय सच्याउन माग सहीत विरोध र्याली प्रर्दशन गरिएको हो ।

नेकपा एमाले निकट युवा संघ, अनेरास्ववियु, नेपाल खेलकुद महासंघ, युथ फोर्स लगायतका संगठनले सयुक्त रुपमा विरोध प्रर्दशन गरेका हुन् । सुकुम्बासी जनतालाई जमिनको अधिकार दिने गरि व्यवस्था गरिएको आयोग खारेज गरेर सुकुम्बासी माथि अन्याय गर्र्ने गठबन्धन सरकारका विरुद्धमा विरोध गरिएको नेपाल खेलकुल महासंघ बाजुराका सचिव लक्ष्मण रोकायाले बताएका छन् । 

मार्तडी बजारमा सरकारका विरुद्धमा नारा बाजी गर्दै गठबन्धन सरकारको विरोध गरेका छन् । दार्चुलामा भारतीय एसएसपीले तुइन काटेर नेपाली नागरिकको हन्त्या गर्दा समेत दलाली सरकार बोल्जन नसकेकोमा पनि युवा विद्यार्थीले आपत्ती जनाएका छन् ।

मार्तडी बजारमा नारा जुलुस सहीतको विरोध र्याली पछि लोकतान्त्रिक चोकमा कोण सभामा आयोजना गरिएको थियो । देशमा संकट आको छ, केपी बा कै खाँचो छ, देश बेच्न पाइदैन्, कम्र्फटेबल सरकार मुर्दावाद, भूमि आयोग खारेजीको निर्णय फिर्ता ले, सुकुम्बासी विरोधी सरकार मुर्दावाद जस्ता नारा लगाएका थिए ।

No description available.लाखौ सुकुम्बासी परिवारलाई जमिनका मालिक बनाउने र सबै जनतालाई जमिनकोे हकको ग्यारेन्टी गर्ने ओली सरकारको निर्णयलाई विचलित मानसिकता राखेर जनविरोध निर्णय गर्ने छुट वर्तमान सरकारलाई नभएकोले तत्काल सच्याउन दबाबका लागि विरोध प्रर्दशन गरिएको यवा संघका केन्द्रीय सदस्य मिलन अयडीले बताएका छन् ।

बस्ने घरका लागि समेत जमिन नपाएर अरुको साहरामा बाँचेका जनतालाई जग्गा दिने ओली सरकारको निर्णयलाई देउवा नेतृत्वको परमादेश सरकारले खारेज गरेर ठूलो कमजोरी गरेको र यसको जवाफ सुकुम्बासीले आगामी निर्वाचनमा दिने नेकपा एमालेका नेता दिलबहादुर कुँवरले बताएका छन् ।

२०५२ सालमा तत्कालिन नेकपा एमाले नेतृत्वको सरकारले भूमि आयोग बनाएको थियो । पछि काँग्रेस नेतृत्वको सरकारले खारेज गरेको थियो । त्यस्तै नेकपा एमालेकै अध्यक्ष ओली नेतृत्वको सरकारले गठन गरेको भूमि आयोग यो पटक पनि काँग्रेस नेतृत्वकै सरकारले खारेज गर्ने निर्णय गरेको छ ।

सर्वाहारा जनताको पक्षमा रहेर काम गर्ने नारा बोकेको काँग्रेसले जनताको अधिकार माथि बुट प्रहार गरेर भूमिहिनलाई भूमिका मालिक बन्न नदिने खेल खेलेको प्रति युवा विद्यार्थी नेताले आपत्ती जनाएका छन् ।

भूमि आयोग खारेजीको निर्णय फिर्ता नगरे र दार्चला घटनाको सत्यतथ्य जाँच नगरे देश र जनताका लागि युवा विद्यार्थी पुनः एक पटक बलिदान गर्न तयार रहेको युवा विद्यार्थी नेताहरुले चेतावनी दिएका छन् ।

No description available.

कोण सभामा एमाले नेता दिलबहादुर कुँवर, एमाले नेतृ गीता रावल, युवा संघका मिलन अयडी, विद्यार्थी नेता इन्द्र बोहराले मन्तव्य राखेका थिए । विद्यार्थी नेता हिक्मत रोकायाले सञ्चालन गरेको कोण सभामा खेलकुद महासंघका केन्द्रीय सदस्य करन भण्डारी, युथ फोर्स बाजुरा संयोजक आरसी रोकाया, विद्यार्थी नेता टेकबहादुर सुनार सहीत सहभागि थिए ।

 

]]>
बाजुरामा फैलियो बालबालिकामा ज्वरोको संक्रमण, विरामीमा देखिए कोरोनासँग मिल्ने लक्षण https://www.najiknews.com/news/8868 Wed, 04 Aug 2021 19:53:25 +0545 https://www.najiknews.com/news/8868 मेडिकलमा दैनिक ४० देखि ६० जना बालबालिका मात्र उपचारका लागि आउने गरेको यादवको भनाई छ । यादवका अनुसार उपचारमा आउने मध्ये ६० प्रतिशचत बढीमा ज्वरोको संक्रमण देखिने गरेको र ती मध्ये पनि अधिकांशमा निमोनियाँको संक्रमण देखिएको बताएका छन् । बाजुरा : बाजुरामा पछिल्लो समय बालबालिकामा ज्वरोको संक्रमण देखिएको छ । ६ महिना देखि १० वर्ष उमेर समूहका बालबालिकामा ज्वरो र निमोनियाको संक्रमण देखिएको स्वास्थ्य कर्मीले बताएका छन् । 

ज्वरोको संक्रमण देखिएका बालबालिकामा कोरोनासँग मिल्ने लक्षण देखिएको र अधिकांशमा निमोनियाको समेत समस्या देखा परेको आरसी मेडिकलका सञ्चालक रामचन्द्र यादवले बताएका छन् ।सदरमुकाम आसपास मात्र नभएर संक्रमण जिल्लाका सबैजसो गाउँमा देखिएको छ । 

मेडिकलमा दैनिक ४० देखि ६० जना बालबालिका मात्र उपचारका लागि आउने गरेको यादवको भनाई छ । यादवका अनुसार उपचारमा आउने मध्ये ६० प्रतिशचत बढीमा ज्वरोको संक्रमण देखिने गरेको र ती मध्ये पनि अधिकांशमा निमोनियाँको संक्रमण देखिएको बताएका छन् । 

जिल्ला अस्पतालमा पनि दैनिक २० देखि ३० जना विरामी ज्वरोकै आउने गरेको कार्यालय प्रमुख प्रकाशराज जोशीले बताएका छन् । ज्वरो र झडापखालाका विरामी बढेको अस्पतालले बताएको छ । 

कोरोनाको दोस्रो भेरियन्ट देखा परे जत्तीकै विरामीको चाप बढेको र विरामी मध्ये पनि बालबालिकामा बढी देखिएको स्वास्थ्य कर्मीले बताएका छन् । दोस्रो भेरियन्ट देखा पर्दा युवाहरुमा बढी समस्या र संक्रमण देखिएको थियो । यो पटक बालबालिकामा बढी समस्या देखिएको पूर्व स्वास्थ्य कार्यालय बाजुराका कर्मचारी समेत रहेका रामचन्द्र यादवले बताएका छन् ।

निजि मेडिकलमा उपचारका लागि आउने मध्ये बालबालिका नै बढी छन् । मार्तडीमा सञ्चालित सबैजसो मेडिकलमा ज्वरोका विरामी आउने गरेको पाइएको छ । जिल्ला अस्पतालमा पनि विरामी बालबालिकाको चाप बढेको छ । 

एन्टीजोन किट जाँचमा नेगेटिभ देखिएपनि लक्षण अधिकांशमा कोरोना कै देखिएको छ । जिल्ला अस्पतालले विरामी बालबालिकाको स्वाब संकलन गरेर पीसीआर जाँचका लागि धनगढी पठाइएको छ । धनगढी पठाएका मध्ये ४ जनामा कोरोना देखिएको स्वास्थ्य कार्यालय बाजुराले बताएको छ ।

तेस्रो चरण अन्र्तगत बालबालिकालाई बढी जोखिम रहेको स्वास्थ्य विज्ञहरुले पूर्व अनुमान गरिसकेका छन् । जिल्ला अस्पतालमा ५ जना ज्वरोका विरामी बालबालिकालाई उपचारका लागि भर्ना गरिएको छ । ती मध्ये २ जनालाई आकस्मीक कक्षमा राखिएको कार्यालय प्रमुख प्रकाशराज जोशीको भनाई छ । जिल्लामा फेरि कोरोनाको जोखिम बढेको अनुमान गरिएको छ । 

जिल्लामा पिसीआर मेसिन जडान र अक्सीजन पलान्ट सञ्चालनमा भइरहेको ढिलाईका कारण थप समस्या थपिने देखिएको छ । स्वाब जाँचकै लागि धनगढी पुग्नु पर्ने बाध्यता नहट्दा स्थानीय हैरान बनेका छन् । 

]]>