नजिक न्युज https://www.najiknews.com नजिक न्युज - नजिक न्युज en-US hourly 1 Copyright 2020 Thu, 01 Oct 2020 21:08:55 +0545 १०० रुपैयाँ वृद्धभत्ता बाँड्दा म मन्त्री थिएँ : प्रधानमन्त्री ओली https://www.najiknews.com/news/3951 Thu, 01 Oct 2020 20:38:02 +0545 https://www.najiknews.com/news/3951 विहीबार अन्तर्राष्ट्रिय ज्येष्ठ नागरिक दिवसका अवसरमा आयोजित भिडियो सम्वाद कार्यक्रममा प्रमुख अतिथिका रुपमा मन्तव्य व्यक्त गर्दै प्रधानमन्त्री ओलीले वृद्धभत्ताको सुरुवाती निर्णयमा आफू सहभागी रहेको स्मरण गरेका हुन् । कार्यक्रममा बोल्दै प्रधानमन्त्री ओलीले हाल ज्येष्ठ नागरिकहरुले पाउँदै आएको ३ हजार भत्तालाई आफ्नै कार्यकालमा मासिक ५ हजार रुपैयाँ बनाउने घोषणा गरे । काठमाडौं : प्रधानमन्त्री केपी शर्मा ओलीले मनमोहन अधिकारी प्रधानमन्त्री भएका बेला सरकारले ज्येष्ठ नागरिकहरुलाई मासिक एक सय रुपैयाँ वृद्धभत्ता दिने निर्णय गर्दा आफू पनि मन्त्री पदमा रहेको स्मरण गरेका छन् ।

विहीबार अन्तर्राष्ट्रिय ज्येष्ठ नागरिक दिवसका अवसरमा आयोजित भिडियो सम्वाद कार्यक्रममा प्रमुख अतिथिका रुपमा मन्तव्य व्यक्त गर्दै प्रधानमन्त्री ओलीले वृद्धभत्ताको सुरुवाती निर्णयमा आफू सहभागी रहेको स्मरण गरेका हुन् । कार्यक्रममा बोल्दै प्रधानमन्त्री ओलीले हाल ज्येष्ठ नागरिकहरुले पाउँदै आएको ३ हजार भत्तालाई आफ्नै कार्यकालमा मासिक ५ हजार रुपैयाँ बनाउने घोषणा गरे ।

ज्येष्ठ नागरिकहरुलाई दिइने सुविधा बढाउने सरकारको मनसाय हुँदाहुँदै पनि देशको आर्थिक अवस्था कमजोर भएकाले सोचेजति गर्न नसकिएको प्रधानमन्त्रीको भनाइ थियो । मन भएर पनि धन नभएको उनले कार्यक्रममा बताए ।

महिला मन्त्रालय र ज्येष्ठ नागरिकहरुको संस्थाले संयुक्तरुपमा आयोजना गरेको कार्यक्रममा ज्येष्ठ नागरिक पूर्वसचिव कृष्णहरि बास्कोटाले कार्यपत्र प्रस्तुत गरेका थिए ।

साझा पार्टीले बनायो ज्येष्ठ नागरिक संगठन

यसैवीच, अन्तर्राष्ट्रिय ज्येष्ठ नागरिक दिवसको अवसर पारेर साझा पार्टीले विहीबार ज्येष्ठ नागरिक संगठन स्थापना गरेको छ ।

नवगठित साझा ज्येष्ठ नागरिक संगठनको केन्द्रीय तदर्थ समितिमा महेन श्रेष्ठ, कृष्णा ताम्राकार, प्रा.डा. जगन्नाथ श्रेष्ठ, विनय शर्मा, चक्र न्यौपाने, कीर्ति तुलाधार, विकल शेरचन, जगदीश्वर यादव, टीकाप्रसाद विमली, डा बोधप्रसाद पराजुली, घनबहादुर शाह, केवलमान श्रेष्ठ, बलराम सापकोटा, देविदत्त ज्ञवाली, तारा ढुङ्गाना लगायत रहेका छन् ।तदर्थ समितिको संयोजकमा महेन श्रेष्ठ र महासचिवमा चक्र न्यौपाने रहेको साझा पार्टीका सहप्रवक्ता शरदराज पाठकले जानकारी दिए ।

]]>
प्रधानमन्त्रीज्यू, खतिवडामा के छ ? कुलमानमा के छैन ? https://www.najiknews.com/news/3950 Thu, 01 Oct 2020 20:35:38 +0545 https://www.najiknews.com/news/3950 कुनै पनि लोकतान्त्रिक सरकारका लागि सबैभन्दा आधारभूत मान्यता हो, जनमतको कदर । तर, प्रधानमन्त्री ओलीले नेतृत्व गरेको वर्तमान सरकार जनमतको अनादर र अपमान गर्दै अघि बढिरहेको छ । कुलमान घिसिङलाई विद्युत प्राधिकरणबाट विदा गर्ने, वामदेवलाई राष्ट्रिय सभामा लैजाने र डा. युवराज खतिवडालाई अमेरिकी राजदूतमा नियुक्त गर्ने सरकारका पछिल्ला तीन कदम जनभावना विपरीत छन् । काठमाडौं : केपी शर्मा ओली प्रधानमन्त्रीका रुपमा आफ्नो दोस्रो तथा सम्भवतः अन्तिम कार्यकालको मध्यविन्दूमा छन् । यस्तो लाग्दैछ कि उनी आप्mनो दोस्रो कार्यकाललाई बिर्सन लायक बनाउन कुनै कसर छाड्नेवाला छैनन् ।

कुनै पनि लोकतान्त्रिक सरकारका लागि सबैभन्दा आधारभूत मान्यता हो, जनमतको कदर । तर, प्रधानमन्त्री ओलीले नेतृत्व गरेको वर्तमान सरकार जनमतको अनादर र अपमान गर्दै अघि बढिरहेको छ । कुलमान घिसिङलाई विद्युत प्राधिकरणबाट विदा गर्ने, वामदेवलाई राष्ट्रिय सभामा लैजाने र डा. युवराज खतिवडालाई अमेरिकी राजदूतमा नियुक्त गर्ने सरकारका पछिल्ला तीन कदम जनभावना विपरीत छन् ।

वामदेवको नियुक्तिमा प्रधानमन्त्रीको चाहनाभन्दा पार्टीको समीकरण वा दबाव निर्णायक थियो भन्ने मानौं । तर, कुलमान र डा. खतिवडाको सन्दर्भमा भएका निर्णयहरुका लागि सिधै उनी जवाफदेही छन् । उनले जनतालाई जवाफ दिनुपर्छ । कुलमान के कारणले प्राधिकरणमा निरन्तरता पाउन वा अर्को कुनै पदका निम्ति योग्य भएनन्, र खतिवडा के–कति कारणले यत्रतत्र अपरिहार्य भए भन्ने प्रश्नलाई उनले कार्पेटमुनि कोच्न सक्दैनन् ।

डा. युवराज खतिवडालाई अर्थमन्त्री नियुक्त गर्दा देशवासीले ओलीको सह्राना गरेका थिए । पार्टीका हस्ती नेताहरुलाई पन्छाउँदै विज्ञता रोजेकोमा उनलाई विपक्षीले पनि धन्यवाद दिएका हुन् । देशले अहिलेसम्मकै राम्रो अर्थमन्त्री पाएको भनेर आशाको लहर सिर्जना भएको हो । तर, जनताले सोचेजस्तो, चाहेजस्तो ‘चमत्कार’ खतिवडाबाट हुन सकेन । उनको कार्यसम्पादन औसत मात्र रह्यो ।

अर्थतन्त्रलाई माथि उकास्न कुनै गतिलो भिजन प्रस्तुत नगरेको, बजेट कार्यान्वयनको कमजोरी हटाउन नसकेको तथा कर संकलनमा मात्रै जोड दिएको लगायत आरोप खतिवडाले खेपे ।

अर्थमन्त्रीको कुर्सीमा अढाई वर्ष बस्दा डा. खतिवडाले केही गर्न खोजेका पनि हुन् । तर, सिधै आमजनतालाई छुने गरी कुनै ठोस कार्यक्रम दिन नसक्दा उनको पहिलेको क्रेज समाप्त भयो । त्यही भएर उनको बहिर्गमनमा जनता दुःखी भएनन् ।

सत्तारुढ नेकपाभित्र पनि खतिवडाप्रति बढ्दो असन्तुष्टि थियो । पार्टीभित्रको बीजजगणितले किनारामा पु¥याइएका ओलीले उनको निरन्तरताको पक्षमा अडान लिने अवस्था थिएन ।

मुटुमाथि ढुंगा राख्दै अर्थमन्त्रीबाट विदा गर्नु परे पनि ओलीले खतिवडालाई आफूबाट टाढा हुन दिएनन् । मन्त्रीसरहको सुविधासहित खतिवडा प्रधानमन्त्रीका विशेष आर्थिक सल्लाहकार नियुक्त भए । जब कि ओलीसँग आर्थिक सल्लाहकारका रुपमा डा. लालशंकर घिमिरे पहिल्यै थिए । सल्लाहकारमाथि विशेष सल्लाहकार खप्टिएर जगहँसाई गर्दै ओलीले खतिवडाप्रति आफ्नो अतिरिक्त अनुरागको प्रदर्शन गरे ।

अर्थमन्त्रालय आफैंले राखेर सबै जिम्मेवारी खतिवडालाई नै दिने प्रधानमन्त्रीको विभत्स सोचसमेत देखियो । तर, फेरि आफैंलाई जिल्याउँदै ओलीले खतिवडालाई अमेरिकाको राजदूतमा सिफारिस गरेका छन् ।

डा. खतिवडा राजदूत बन्न योग्य व्यक्ति हुन् वा होइनन् भन्ने प्रश्न होइन । प्रश्न यो हो कि एउटै व्यक्तिलाई राज्यले कतिपटक, कति ठाउँमा अवसर दिने ?

ओलीकै आशिर्वादमा यसअघि पनि डा. खतिवडा शक्तिशाली पदहरुमा पुगिसकेका छन् । राष्ट्रिय योजना आयोगको सदस्य, दुईपटक उपाध्यक्ष, फेरि नेपाल राष्ट्रबैंकको गभर्नर भए उनी । त्यसपछि अर्थमन्त्री, प्रधानमन्त्रीको विशेष आर्थिक सल्लाहकार हुँदै अहिले राजदूत । एउटा पदबाट ओर्लिएर लामो सास फेर्न नभ्याउँदै ओलीले उनलाई अर्को पदमा बसालिरहे । खतिवडा पनि मुस्कुराउँदै ओलीप्रति कृतज्ञता प्रकट गरिरहे । तर, एउटै व्यक्तिलाई यतिधेरै अवसरको खात लगाउनु हदभन्दा बढी आशक्ति हो ।

खतिवडा स्वयंलाई पनि यो पछिल्लो नियुक्तिले फाइदा गर्दैन । भर्खर केन्द्रीय अर्थमन्त्रीबाट निवृत्त भएको व्यक्तिले राजदूतको जागिरमा ¥याल काढ्नु हुन्थेन । सामान्यतया राजदूत भनेको सहसचिवस्तरको पद हो । नेपालमा चाहिँ व्यक्ति हेरेर राजदूत पदको हैसियत घटबड गर्ने विकृत परम्परा बसाइएको छ । सरकारको तवविजमा राजदूत पदलाई आवश्यकता अनुसार सचिवस्तरदेखि मन्त्रिस्तरको बनाइन्छ । जबकि हामीले हैसियत बढाउँदैमा सम्वन्धित देशले त्यसलाई बढी महत्व दिने होइनन् । उनीहरुले राजदूतलाई सहसचिवकै हैसियतमा व्यवहार गर्छन् ।

डा. खतिवडा अर्थशास्त्रका ज्ञाता हुन् । उनको लेभलका अर्थशास्त्री नेपालमा न्यून छन् । त्यसैले उनलाई राज्यले विज्ञको रुपमा प्रयोग गर्नु उचित हो । उनीबाट सल्लाह–सुझाव जति पनि लिँदा हुन्छ । तर, कार्यकारी पदमा भने उनले आफूलाई अरुभन्दा विशिष्ट प्रमाणित गर्न सकेका छैनन् ।

न योजना आयोगमा, न राष्ट्रबैंकमा न अर्थमन्त्रालयमा उनले कुनै अविस्मरणीय छाप छोड्न सके । अहिले एउटा देशको राजदूत बन्न तयार भएर उनले आफ्नै व्यक्तित्वको अवमूल्यन गरेका छन् ।

सरकारको आजको निर्णयले सामाजिक सञ्जालमा हाँसो र आक्रोश एकसाथ सिर्जना भएको छ । सत्तारुढ नेपाल कम्युनिष्ट पार्टीका कट्टर समर्थकले पनि यो निर्णयको बचाउन गर्न सकेका छैनन् । पार्टीको नेतृत्व तहमा असन्तुष्टि सिर्जना भएको छ । फेरि एकपटक सत्तारुढ दलभित्र नयाँ किचलो पैदा हुने र सरकार अस्थिर बन्न सक्ने सम्भावनाको ढोका खुलेको छ ।

खतिवडा भर्सेस कुलमान

नेपाल विद्युत प्राधिकरणका पूर्वकार्यकारी निर्देशक कुलमान घिसिङले करिब १५ दिन अगाडि पदबाट अवकाश पाए । उनलाई प्राधिकरणमा पुनर्नियुक्तिको पक्षमा बहुसंख्यक मजनता थिए । कुलमानलाई अर्को कुनै संस्थाको नेतृत्व दिनृुपर्ने जनमत पनि उत्तिकै बलियो थियो । तर, जनमतलाई कुल्चिँदै सरकारले उनलाई प्राधिकरणबाट विदा गर्यो । अर्को नयाँ जिम्मेवारी दिन पनि चाहिरहेको छैन ।

कार्यसम्पादनको हिसाबले खतिवडाको तुलनामा कुलमान निकै अगाडि छन् । नेपालमा लोडसेडिङ हटाउने र घाटामा चुलुम्म डुबेको एउटा संस्थानलाई अर्बाैको नाफामा पुर्याएर एउटा कर्मठ राष्ट्रसेवकका रुपमा उनले आफूलाई प्रमाणित गरेका छन् । त्यही भएर उनी जनताको ढुकढुकी बन्न सफल भएका हुन् । उनलाई अर्को कार्यकाल दोहो¥याएको भए वा अर्को जिम्मेवारी दिएको भए सरकारको लोकप्रियता बढ्ने थियो । जनमतको कदर गरेको ठहरिने थियो । प्रधानमन्त्रीको छाती अलि फराकिलो देखिने थियो । तर, यति सानो कुरामा पनि उनी चुकिरहेका छन् ।

डा. खतिवडालाई जागिरबाट अवकाशपछि ६ वटा महत्वपूर्ण राजनीतिक नियुक्त दिलाएका प्रधानमन्त्री कुलमानलाई दोस्रो नियुक्ति दिन पनि किन अनिच्छुक छन् ? यसकारण कि कुलमान उनका ‘एसम्यान’ होइनन् ।

पार्टीका अर्का अध्यक्ष प्रचण्डसँग कुलमानको विशेष ‘साँठगाँठ’ रहेको र मिडियालाई हातमा लिएर सरकारविरुद्ध प्रचारवाजी गराएको आरोप प्रधानमन्त्रीका निकटवर्तीको छ । तर, कुलमानलाई स्वयंलाई बोलाएर यस्ता विषयमा प्रश्न सोध्ने हिम्मत प्रधानमन्त्रीले गर्न सकेका छैनन् । प्रधानमन्त्रीले बोलाउने कुरा छाडौं, कुलमानले पटक–पटक भेट्न चाहँदा पनि उनले भेट दिइरहेका छैनन् ।

स्रोतका अनुसार अवकाश पाउनुभन्दा तीन महिनादेखि कुलमान प्रधानमन्त्रीलाई भेट्ने प्रयासमा थिए । आफूले हासिल गरेका उपलब्धी र अबको योजनाहरुबारे व्रिफिङ गर्न चाहन्थे । तर, विभिन्न बहाना गरेर प्रम उनीसँग तर्किरहेका छन् । भेट्न आनाकानी गरिरहेका छन् ।

जनताले आदर्श मानेका पात्रलाई प्रधानमन्त्रीले एउटा भेटसमेत नदिनु दुखद मात्र होइन, आपत्तिजनक पनि हो ।

अहोरात्र खटिएर देशलाई लोडसेडिङको अन्धकारबाट उज्यालोतर्फ लैजाने राष्ट्रसेवीले अहिले घरमा सुतेर दिन काट्नु परेको छ । जबकि कुलमान अझै देशका लागि थप योगदान दिनका निम्ति व्यग्र छन् । उमेरले पनि उनीसँग प्रशस्त समय छ । उनीजस्ता कर्मवीर फुर्सदमा बस्नु भनेको देशलाई घाटा हो । यो घाटा धेरै लम्बाउनु सरकारका लागि र देशका लागि हितकर छैन । कुलमानले कुनै न कुनै जिम्मेवारी पाउनैपर्छ । यसमा अब प्रधानमन्त्रीले साँघुरो चित्त बनाउनु हुन्न ।

दुईपटक अपदस्थ हुन लागेर पनि जोगिएका प्रधानमन्त्री ओलीसामु अन्तिम अवसर छ । समय बाँकी छ चानचुन अढाई वर्ष । अघिल्ला अढाई वर्ष समग्रमा सम्झनलायक भएनन् । अब बाँकी अवधि पनि यसैगरी गुजारे भने प्रधानमन्त्री ओलीको राजनीतिक जीवनको नमिठो समापन हुनेछ ।

खतिवडालाई आराम र कुलमानलाई जिम्मेवारी दिएर उनले आफूलाई सच्याउने क्रमको श्रीगणेश गरुन् ।

]]>
भत्केको सडक मर्मत गर्दै रानीवन युथ क्लवका युवा खेलाडी (फोटो फिचर) https://www.najiknews.com/news/3949 Thu, 01 Oct 2020 20:14:01 +0545 https://www.najiknews.com/news/3949 तीन महिनादेखि मार्तडी घट्मुना सडक पहिरोका कारण पूर्ण रुपमा अवरुद्ध बनेको छ । अवरुद्ध सडक गणखेतदेखि मेलकाधसम्म सडक मर्मत गरेको रानीवन युथ स्पार्ट्स क्लवका अध्यक्ष धुव्रबहादुर रोकायाका  बताएका छन् । बाजुरा : रानीवन क्लवका युवा खेलाडीले सदरमुकाम मार्तडीदेखि घट्मुना जोड्ने सडक पहिरोका कारण भत्केका ठाउँमा मर्मत गरेका छन् । करिब तीन महिनादेखि अवरुद्ध भएको सडक मार्तडीदेखि मेलकाधसम्म मोटरसाइकल जाने बाटो बनाएको  क्लवले जनाएको छ ।   

रानीवन स्पोर्ट्स युथ क्लवद्धारा भत्केको सडक मर्मत

तीन महिनादेखि मार्तडी घट्मुना सडक पहिरोका कारण पूर्ण रुपमा अवरुद्ध बनेको छ । अवरुद्ध सडक गणखेतदेखि मेलकाधसम्म सडक मर्मत गरेको रानीवन युथ स्पाेर्ट्स क्लवका अध्यक्ष धुव्रबहादुर रोकायाका  बताएका छन् ।

गौमुल गाउँपालिकाको समन्वयमा भत्केको सडक मर्मत गरेको रोकायाको भनाई छ । अवरुद्ध बनेको सडक पुनः सुचारु गर्ने पहल भएको र आवत जावत सहज बनाउन छिट्टै सडक सुचारु गर्ने गौमुल गाउँपालिकाले जनाएको छ । रानिवन स्पोर्ट्स युथ क्लव पछिल्लो समयमा सामाजिक सेवामा सक्रिय देखिएको छ ।


         

]]>
सामाजिक सुरक्षा भत्ता अनियमितताबारे छानबिन गर्न विभागको निर्देशन https://www.najiknews.com/news/3948 Thu, 01 Oct 2020 20:09:41 +0545 https://www.najiknews.com/news/3948 अनियमितता भएको विषयमा वडा नं ४ का वडाअध्यक्ष भट्टराईले भने आफू संलग्न नरहेको दाबी गरेका छन् । सामाजिक सुरक्षा लगायतका रकम निकासा गर्ने दायित्व पन्जीका अधिकारीको हुने भएकाले यसमा संलग्न नरहेको वडाअध्यक्ष भट्टराईको भनाइ छ । खोटाङ — गृह मन्त्रालय राष्ट्रिय परिचय पत्र तथा पन्जीकरण विभागले सामाजिक सुरक्षा भत्तामा अनियमितता छानबिन अघि बढाउन साकेला गाउँपालिकालाई निर्देशन दिएको छ । 

पालिकामा सामाजिक सुरक्षा भत्तामा अनियमितताबारे खुलासा भएपछि विभागले छानबिन गरी ७ दिनभित्र प्रतिवेदन दिनेगरी बुधबार पत्राचार गरेको हो । यसबारे छानबिन गरी प्रतिवेदन बुझाउन गाउँपालिका उपाध्यक्ष सरिता खड्कालाई जिम्मेवारी दिइएको गाउँपालिका अध्यक्ष अर्जुनकुमार खड्काले जानकारी दिए । उक्त विषयमा वडा नं ४ का वडाअध्यक्ष कृष्णप्रसाद भट्टराई, वडामा काम गरेका वडा सचिवहरुको नाम मुछिएको स्थानीयले गुनासो गरेका छन् ।

सामाजिक सुरक्षा भत्तामा पछिल्लो समय मात्र नभएर २०७० सालदेखि नै पारदर्शी नदेखिएकाले छानबिन गरिने गाउँपालिका अध्यक्ष खड्काले सुनाए । उक्त पालिकामा सामाजिक सुरक्षा ऐन २०९५, तथा सामाजिक सुरक्षा नियमावली २०७६, को अधिनमा रही अनुगमन गर्ने क्रममा सामाजिक सुरक्षामा अनियमितता भएको खुलासा भएको गाउँपालिका अध्यक्ष खड्काले बताए । उनका अनुसार पालिकाको वडा नं २ रतन्छा र वडा नं ३ खिदिमाबाहेकका वडामा सामाजिक सुरक्षा भत्तामा अनियमितता देखिएको छ । वडा नं १ बाँझेच्यानडाडाँ, वडा नं ४ मात्तिम (माथिल्लो) र वडा नं ५ मात्तिम (तल्लो) मा पनि अनियमितता देखिएको खडकाको भनाइ छ ।

साकेला गाउँपालिका–४ मात्तिमका दलबहादुर कार्कीका अनुसार २०७४ माघ २३ गते मृत्यु भएका आफ्ना बुवा गङ्गाबहादुर कार्कीको बृद्धभत्ता अझै निकासा भइरहेको छ । उनका अनुसार बुवाको मृत्यु हुनासाथ वडाध्यक्ष कृष्णप्रसाद भट्टराईलाई बुवाको बृद्धभत्ता पट्टा बुझाएका थिए । तर मृत्यु दर्ता गरे पनि अझै बृद्धभत्ता कर्मचारीले निकासा गरेर खाइरहेको भन्दै कार्कीले गुनासो गरे । ‘बुवाको मृत्यु हुनासाथ वडाध्यक्षलाई सामाजिक सुरक्षाभत्ता थाप्ने पट्टा बुझाएको थिए,’ कार्कीले भने–‘तर कर्मचारीले अझै निकासा गरिरहेको रहेछ ।’

त्यस्तै २०७१ सालमा मृत्यु भएका उक्त वडाकै सङ्ग्रामध्वज राईको वृद्धभत्ता पनि निकासा भइरहेको थाह पाएपछि आफूलाई आश्चर्य लागेको छोरा वीरेन्द्र राईले बताए । बुवाको मृत्युपछि मृत्यु दर्ता प्रमाणपत्र आफूसँग भएको राईले सुनाए । २०७५ पुस १५ मृत्यु भएको मनमाया खड्काको वृद्धभत्ता पनि अझै निकासा भइरहेको खुलासा भएको छ ।

२०७२ वैशाख ९ गते मृत्यु भएको पदमबहादुर खड्काको पनि वृद्धभत्ता निकासा भइरहेको पाएपछि आफूलाई अचम्म लागेको छोरा मदनबहादुर खड्काले सुनाए । मृत्यु भइसकेकाहरुको किर्ते औंठा छाप लगाएर प्रतिव्यक्ति एक चौमासिक १२ हजारका दरले रकम निकासा भइरहेको गुनासो आएको गाउँपालिका अध्यक्ष खड्काले बताए ।

अनियमितता भएको विषयमा वडा नं ४ का वडाअध्यक्ष भट्टराईले भने आफू संलग्न नरहेको दाबी गरेका छन् । सामाजिक सुरक्षा लगायतका रकम निकासा गर्ने दायित्व पन्जीका अधिकारीको हुने भएकाले यसमा संलग्न नरहेको वडाअध्यक्ष भट्टराईको भनाइ छ ।

सामाजिक सुरक्षाभत्तामा अनियमितता भएको थाहा भएपछि गाउँपालिकाले लाभग्राहीको नामावली सार्वजनिक गरेको अध्यक्ष खड्काको भनाइ छ । मृत्यु भएका, बसाइँ सरेका, दोहोरो सुविधा लिएका वा अन्य व्यक्तिको नाममा गलत कागजात तयार गरेर सामाजिक सुरक्षाभत्ता दुरुपयोग भएपछि नामावली सार्वजनिक गरिएको अध्यक्ष खड्काले सुनाए ।

उक्त गाउँपालिकाले आफ्नो वेबसाइटमार्फत पाँच वटै वडाका सामाजिक सुरक्षाभत्ता पाउने १ हजार २ सय १४ जनाको नामावली सार्वजनिक गरेको छ । दाबी/विरोधका लागि वडा नम्बर–१ बाँझेच्यानडाँडाका ३ सय ५५ जना, वडा नम्बर–२ रतन्छाका २ सय ९८ जना, वडा नम्बर–३ खिदिमाका १ सय २७ जना, वडा नम्बर–४ मात्तिमका २ सय ५९ जना र वडा नम्बर–५ मात्तिमका १ सय ७५ जनाको नामावली सार्वजनिक गरिएको छ ।

अघिल्लो चौमासिकमा १ करोड ६५ लाख निकासा भएकोमा नक्कली व्यक्तिको नाम कटाउँदा १ करोड १९ लाख ३६ हजार रुपैयाँमा झारिएको अध्यक्ष खड्काले सुनाए । यसमध्ये वडा नं १ बाँझेच्यानडाडाँमा ४४ लाखबाट ३६ लाख ५७ हजार, वडा नं ४ मात्तिम (माथिल्लो)मा ४२ लाखबाट २१ लाख २० हजार र वडा नं ५ मात्तिम (तल्लो)मा ३७ लाखबाट १९ लाख रुपैयाँमा झारिएको अध्यक्ष खड्काले सुनाए ।

]]>
अफगानिस्तानमा सैनिक ब्यारेक लक्षित गर्दै भएको आक्रमणमा ९ जना मारिए https://www.najiknews.com/news/3947 Thu, 01 Oct 2020 19:22:53 +0545 https://www.najiknews.com/news/3947 विस्फोटको क्रममा नजिकै यात्रा गरिरहेका सर्वसाधारण पनि परे । विस्फोटको जिम्मेवारी भने अहिलेसम्म कसैले लिएको छैन । यद्यपि पछिल्लो समय तालिबानी आक्रमण हुने क्रम नरोकिएको सरकारी अधिकारीले बताएका छन् । काबुल : अफगानिस्तानको दक्षिणी क्षेत्रस्थित सैनिक ब्यारेकलाई लक्षित गर्दै भएको आत्मघाती कार बम विस्फोटमा ९ जना मारिएका छन् । सरकारी अधिकारीका अनुसार घटनामा तीन सुरक्षाकर्मीसहित ९ जनाको मृत्यु भएको हो । एक बालक र दुई महिलाको पनि मृत्यु भएको बताइएको छ । अफगानिस्तानको हेलमण्द प्रान्तस्थित नाहरी सारा जिल्लामा बुधबार राति यस्तो घटना भएको हो ।

विस्फोटको क्रममा नजिकै यात्रा गरिरहेका सर्वसाधारण पनि परे । विस्फोटको जिम्मेवारी भने अहिलेसम्म कसैले लिएको छैन । यद्यपि पछिल्लो समय तालिबानी आक्रमण हुने क्रम नरोकिएको सरकारी अधिकारीले बताएका छन् ।

साथै हेलमन्द प्रान्त तालिबानी विद्रोहीको बाहुल्य रहेको क्षेत्र मानिन्छ । गत महिना मात्रै तालिबानी विद्रोही र सरकारबीच दुबइमा वार्ता भए पनि दुबै तर्फबाट सम्झौता पालना भएको छैन ।

 

]]>
मासिक ४ अर्ब आय गुमाउँदै नेपालकाे हवाई क्षेत्र, पहिलेकै अवस्थामा फर्किन २०२४ सम्म कुर्नुपर्ने https://www.najiknews.com/news/3946 Thu, 01 Oct 2020 19:05:15 +0545 https://www.najiknews.com/news/3946 लकडाउन अवधिदेखि असोज १ पछिसम्म नवीकरण अवधि भएका वायु सेवा सञ्चालन प्रमाणपत्र र एअरवर्दिनेश प्रमाणपत्रमा ५० प्रतिशत छुट दिने निर्णय पनि सरकारले गरेको छ । विमानस्थललाई बुझाउन बाँकी शुल्क डिसेम्बरसम्म म्याद थप गर्ने, विमानस्थल शुल्क नियमावली २०६७ बमोजिम नियमित रुपमा बुझाउनुपर्ने विमानस्थल शुल्कहरु भुक्तानी गर्ने अवधि डिसेम्बरसम्म कायम गरिएको छ । काठमाण्डाै : कोभिड १९ का कारण नेपालको हवाई क्षेत्रमा ठूलो क्षति भएको नेपाल नागरिक उड्डयन प्राधिकरणले बताएको छ । निजी क्षेत्रको मात्रै एक खर्ब लगानी रहेको हवाई क्षेत्रमा कोभिडका कारण मासिक चार अर्ब आय गुमाउनु परेको प्राधिकरणले बताएको हो । प्राधिकरणले मात्रै आर्थिक वर्ष २०७६/०७७ मा ४३ प्रतिशत आम्दानी गुमाएको प्राधिकरणका महानिर्देशक राजन पोखरेलले बताएका छन् । 

आन्तरिक उडानतर्फ यो वर्ष ३६ देखि ३८ प्रतिशत यात्रु सङ्ख्यामा कमी आउने उहाँले बताउनुभयो । नेपालमा मार्च २०२० मा ७३ प्रतिशत हवाई यात्रु घटेको उल्लेख गर्दै उहाँले २४ देखिको लकडाउन र निषेधाज्ञा अवधिमा शत प्रतिशत यात्रु कम भएको बताउनुभयो ।

कोभिडको प्रभावका बीच प्राधिकरणले त्रिभुवन अन्तर्राष्ट्रिय विमानस्थल सुधारका लागि उल्लेख काम गरेको उहाँले बताउनुभयो । विमानस्थलमा नयाँ प्रस्थान कक्ष निर्माण सम्पन्न भएर सञ्चालनमा आएको महानिर्देशक पोखरेलले बताउनुभयो । अहिले दुई वटा वाइडबडी बाहिर अटाउने मिल्ने गरी ठूलो पार्किङ क्षेत्र विस्तार गरेको, अन्तर्राष्ट्रिय यात्रु चेकिङ व्यवस्थित गरिएको र बुटिक एअरपोर्ट निर्माणको काम भइरहेकाे रहेको उहाँले बताउनुभयो । 

अन्तर्राष्ट्रिय नागरिक उड्डयन सङ्गठन (आईकाओ) का अनुसार कोभिडको सबैभन्दा बढी प्रभाव एसिया प्रशान्त क्षेत्रमा परेको छ । आईकाओका अनुसार गएकाे वर्षको जनवरीदेखि अगस्ट  २०२० सम्म वायु सेवा कम्पनीहरुले ८६ प्रतिशत यात्रुबाट हुने आम्दानी गुमाएका छन् । सन् २०२० को अन्त्यसम्म अघिल्लो वर्षको तुलनामा ७० देखि ७४ प्रतिशत अन्तर्राष्ट्रिय यात्रु घट्ने अनुमान आईकाओले गरेको छ । अन्तर्राष्ट्रिय हवाई यातायात सङ्घले हवाई क्षेत्र कोभिड पूर्वको अवस्थामा फर्किन सन् २०२४ सम्म कुर्नुपर्ने अवस्था आएको बताएको छ ।

सरकारले कोरोनाका कारण हवाई क्षेत्रमा परेको प्रभावलाई सम्बोधन गर्न विभिन्न राहत प्याकेज दिएको छ । लकडाउन सुरु भएदेखि नियमित उडान सुरु भएको मितिले एक महिनासम्म विमान शुल्क, कोठा काउन्टर, पसल तथा ठाउँकाे बहालमा ७५ प्रतिशत छुट दिएको छ । यस्तै लकडाउन अवधिदेखि असोज १ पछिसम्म नवीकरण अवधि भएका वायु सेवा सञ्चालन प्रमाणपत्र र एअरवर्दिनेश प्रमाणपत्रमा ५० प्रतिशत छुट दिने निर्णय पनि सरकारले गरेको छ ।

विमानस्थललाई बुझाउन बाँकी शुल्क डिसेम्बरसम्म म्याद थप गर्ने, विमानस्थल शुल्क नियमावली २०६७ बमोजिम नियमित रुपमा बुझाउनुपर्ने विमानस्थल शुल्कहरु भुक्तानी गर्ने अवधि डिसेम्बरसम्म कायम गरिएको छ । यस्तै मौद्रिक नीतिमार्फत बैंकको साँवा र ब्याज एक वर्षसम्म बुझाउन नपर्ने र साँवा ब्याजको पुनर्तालिकीकरण र वायु सेवा कम्पनीलाई बैंकबाट रिफाइनान्सिङको व्यवस्था गरिएकाे छ । 

]]>
भारतीय कांग्रेसका नेता राहुल गान्धी प्रहरी हिरासतमा https://www.najiknews.com/news/3945 Thu, 01 Oct 2020 19:00:28 +0545 https://www.najiknews.com/news/3945 सेप्टेम्बर १४ मा भारतको हाथरस भन्ने स्थानमा १९ वर्षीया एक दलित परिवारकी किशोरीमाथि सामुहिक बलात्कार भएको थियो । बलात्कारपछि उनी खेतमा बेहोस अवस्थामा फेला परेकी थिइन् । उनीमाथि सामुहिक बलात्कार गरेको आरोपमा गाउँका तथाकथित उच्च जातका चार युवा पक्राउ परेका छन् । काठमाडौं । भारतीय कांग्रेस पार्टीका नेता राहुल गान्धीलाई बिहीबार उत्तर प्रदेशको प्रहरीले हिरासतमा लिएको छ । उनीसँगै रहेकी कांग्रेस नेतृ प्रियंका गान्धीलाई पनि प्रहरीले पक्राउ गरेको छ । उत्तर प्रदेशको हाथरसमा भएको एक सामुहिक बलात्कारको शिकार भएकी युवतीको परिवारलाई भेट्न हिँडेका उनीहरुलाई प्रहरीले हिरासतमा लिएको हो ।

प्रहरीले उनीहरुलाई निर्देशन अवज्ञा गरेको अरोपमा यमुना एक्सप्रेसवेबाट पक्राउ गरेको हो । राहुल र प्रियंका गान्धी दिल्लीबाट पीडितको परिवार भेट्न हाथरसतर्फ जानेक्रममा उनीहरुलाई प्रहरीले नियन्त्रणमा लिएको भारतीय समाचार संस्था एएनआईले उल्लेख गरेको छ । राहुलले प्रहरीलाई भीडभाड नगरी हाथरसतर्फ जान चाहेको बताएका थिए । तर भिड बढेको भन्दै प्रहरीले राहुल गान्धी सवार गाडीलाई रोकेको थियो । त्यसपछि उनीहरु हिँडेरै भए पनि हाथरस जान तम्सिएपछि प्रहरीले गिरफ्तार गरेको हो ।

के हो हाथरस घटना ?

सेप्टेम्बर १४ मा भारतको हाथरस भन्ने स्थानमा १९ वर्षीया एक दलित परिवारकी किशोरीमाथि सामुहिक बलात्कार भएको थियो । बलात्कारपछि उनी खेतमा बेहोस अवस्थामा फेला परेकी थिइन् । उनीमाथि सामुहिक बलात्कार गरेको आरोपमा गाउँका तथाकथित उच्च जातका चार युवा पक्राउ परेका छन् ।

निकै गम्भीर अवस्थामा बेहोस फेला परेकी किशोरीको गत मंगलबार दिल्लीको एक अस्पतालमा उपचारको क्रममा निधन भएको थियो । निधन भएपछि प्रहरीले उत्तर प्रदेशमा रहेको उनको घरमा शव ल्याएको थियो । प्रहरीले तत्कालै शव जलाउन परिवारसँग आग्रह गर्‍यो । तर, परिवारले मानेनन् । त्यसपछि प्रहरीले शव एम्बुलेन्समा हालेर लग्यो र परिवारको अनुमति विना नै जलाएको आरोप लागेको छ । यद्यपि प्रहरीले भने पीडित परिवारको अनुमतिमा प्रहरीको रेखदेखमा शव जलाइएको दाबी गरेको छ । स्वयं पीडित परिवारका सदस्यहरु भने आफूहरुले अनुमति नदिएको बताइरहेका छन् ।

अधिकारवादीहरुले भने प्रहरीले यस किसिमको कार्यलाई संवेदनहीन र अमानवीय कार्य भएको बताएका छन् । यसै विषयलाई लिएर अहिले समग्र भारतभर आन्दोलन चलिरहेको छ । यो घटनाबारेको अनुसन्धानमा प्रहरीले उदाशीनता देखाएको पीडित परिवारको आरोप छ । १० दिनसम्म पनि यो घटनामा कसैलाई पनि पक्राउ नगर्नुले यो कुरालाई पुष्टि गर्ने उनीहरुको भनाइ छ । त्यसका साथै प्रहरीले आफूहरुलाई नै डर देखाउने र धम्क्याउने काम गरेको पनि पीडितको गुनासो छ ।

भारतका विपक्षी नेताहरुले पनि प्रहरीको यस किसिमको कार्यको निन्दा गरेका छन् । भारतीय कांग्रेसले पनि यो घटनामा प्रहरीको आलोचना गर्दै आएको छ । राहुलले हाथरस पुगेर पीडित परिवारलाई भेट्ने कार्यक्रम बनाएका थिए । यसै क्रममा उनलाई बिहीबार प्रहरीले पक्राउ गरेको हो ।

स्रोत : एएनआई/बीबीसी

]]>
आफ्नै ‘मिर्गौला बिक्रीमा’ भन्दै विज्ञापन गर्ने यी युवक ! https://www.najiknews.com/news/3944 Thu, 01 Oct 2020 18:38:48 +0545 https://www.najiknews.com/news/3944 अहिले कयौं मानिस आफ्नो दुःख देखाएर युट्युबमा अन्तर्वाता दिएका भरमा भाइरल भएर धेरै आर्थिक सहयोग हात पारिरहेका छन् । यस्तो सूचना टाँसेर भाइरल बन्न खोजेको हो कि भन्दा उनी भन्छन् ‘त्यो मैले सोचेको छैन, मैले त्यस्तो गर्न खोजेको पनि होइन ।’ काठमाडौं : नयाँ बानेश्वरको आइपेक्स मलको विपरीत दिशामा एउटा भित्तो छ, जहाँ कोरोना महामारीभन्दा पहिले फिल्मका रंगीविरंगी पोस्टर टाँसिन्थे ।चैतयता फिल्म हल बन्द भएदेखि यो भित्तोमा नयाँ पोस्टर टाँसिएको छैन, पुराना पोस्टरका च्यातिएका टुक्रामात्र छन् । बुधबार दिउँसो भने त्यहाँ अचम्मको सूचना देखियो । ए–फोर साइजको सेतो चम्किलो कागजमा लेखिएको छ – मिर्गौला चाएमा (चाहिएमा) सम्पर्क ९८४….. ।

बिहीबार यी व्यक्तिसँग भेट भयो बल्खुमा ।मिर्गौलाको विज्ञापन गर्ने यी व्यक्ति रहेछन्– कैलालीको धनगढी उपमहानगरपालिका धुरचन्ना घर भएका ३३ वर्षका जगवीरे गुरु धामी ।

होचो–होचो कदका, घुम्रिएको कपालको टुप्पो रातो बनाएका यी युवकको अनुहारमा कुनै चिन्ताका रेखा देखिँदैनन् ।

हामीले सोध्यौं – मिर्गौलाको विज्ञापन गरिएका पोस्टरहरु कहाँ–कहाँ टाँस्नुभयो ?

बालकुमारीदेखि कलंकीसम्म, टेकुदेखि बानेश्वरसम्म । सबैतिर गरी उनले ३०/३५ ठाउँमा यस्ता सूचना टाँसेका रहेछन् । अझ उनले खुलाए ‘भक्तपुरतिर पनि टाँस्ने प्लान हो सर, पुगेन ।’

उनले सूचना लेख्न र टाँस्नका लागि किनेको मार्कर, गम र ग्लुस्टिक ज्याकेटको खल्तीबाट झिकेर देखाए । ग्लुस्टिकतिर औंल्याएर भने, ‘यो पनि गम नै हो, त्यसले (अर्को झोल गम) ले टाँसिएन र यो किनेको ।’

‘मिर्गौला चाहिएमा’ भन्ने सूचना टाँसेपछि उनलाई केही फोन पनि आए । तीमध्ये एक जनाचाहिँ मिर्गौला कारोबारसँगै सम्बन्धित मान्छे हो कि जस्तो लाग्छ उनलाई ।

‘हिजो बिहान एउटा भेट्न आएको थियो, के हो, कस्तो हो, बुझ्न सकिनँ । मेरो बारेमा सोध्यो । हामी पछि फोन गर्छौं भन्यो, अहिलेसम्म फोन गरेको छैन’ उनले भने ।नेपालमा मानव अंग बिक्री वितरण गैरकानुनी हो । मानव शरीरको अंग प्रत्यारोपण (नियमित तथा निषेध) ऐन २०५५ ले अंग खरिद बिक्री गर्नुलाई दण्डनीय मानेको छ । तर, मान्छेले आफ्नो अंग बेच्न किन विज्ञापन गर्छ ?

ऐनको दफा १४ (क) मा अंग दान दिन सक्ने अवस्था दुईवटामात्रै छ ।

क– बिरामीको नातेदार हुनुपर्छ । ख– दुई वा दुई भन्दा बढी परिवारका कुनै सदस्यलाई अंग प्रत्यारोपण गर्नुपर्ने अवस्थामा त्यस्तो परिवारका आफ्नो नजिकको नातेदारको अंग नमिली प्रत्यारोपण हुन नसक्ने अवस्था भएमा र प्रत्यारोपण गर्न खोजिएको अंग अर्को परिवारको सदस्यसँग मिल्ने भएमा आपसी सहमतिको आधारमा लिखित रुपमा एक अर्का परिवारको सदस्यले मात्र दान गर्न पाउँछ ।

ऐन विपरीत अंग झिक्ने र त्यसमा संलग्न व्यक्तिलाई ५ वर्ष कैद र ५ लाख रुपैयाँ जरिवाना तोकिएको छ ।

धामीले आफू आर्थिक समस्यामा फसेको र अरु कुनै विकल्प नभएकाले जानीबुझी मिर्गौला बेच्न खोजेको बताए । मिर्गौला बेच्नेबारे उनले केही साथीहरुसँग पनि सल्लाह गरेका रहेछन् । ‘उनीहरुले पनि हामीलाई समेत जेल हाल्न खोजेको भन्दै गाली गरे’ उनी भन्छन् ‘कुनै विकल्प आएन, फसे पनि यसै मर्नु छ, उसै मर्नु छ ।’

काठमाडौंमा कहिले मासु पसल, किराना पसल कहिले खाजा पसल सञ्चालन गरेका उनी व्यापार राम्रो नभएको र २०/२५ लाख रुपैयाँ ऋण लागेको भन्दै मिर्गौला ग्राहकको खोजीमा लागेको दाबी गर्छन् ।ऋण लिएर ब्यापार सुरु गरेको तर, कुनै व्यापारले आम्दानी नदिएको उनको भनाइ छ ।

पहिले कीर्तिपुरको पाँगामा मासु र किराना पसल चलाएको, त्यो पसल नचलेपछि फेरि ऋण खोजेर एयरपोर्टमा खाजा पसल राखेको, त्यो पनि नचलेपछि फेरि ऋण खोजेर बालकुमारीमा खाजा पसल राखेको, त्यो नचलेको र त्यसकै पैसाले घरभाडा तिरेपछि आफू रित्तो भएको उनले जिकिर गरे ।

काठमाडौं आएपछि आफू धादिङ, महादेवबेंसीकी तामाङ थरकी केटीसँग सम्बन्धमा परेको र उसले सबै पैसा सिध्याइदिएको र अहिले सम्पर्कविहीन रहेको पनि उनले जिकिर गरे । ‘चार/पाँच महिनादेखि ऊ सम्पर्कमा छैन’ धामीले भने ।

धामीले कैलालीमा आफ्नो घर वरपरका साहु र उतैबाट काठमाडौं आई बसेकाहरुसँग ४० प्रतिशतसम्म ऋण लिएको सुनाए ।मिर्गौला बेचेर सबै ऋण तिरन्छ भन्ने ठानेको त ? भन्ने प्रश्नमा धामी भन्छन्, ‘यति आउँछ, उति आउँछ, मलाई केही थाहै छैन ।’

उनी अघि भन्छन्, ‘२०/२५ लाख आउँछ भन्ने पनि थिएन मलाई । बाहिर–बाहिर सुन्थेँ, राम्रो मान्छे पाए धेरै आउँछ भन्थे । कसैले हामीजस्तै मान्छे भए ४/५ लाख रुपैयाँ पनि हुँदैन । २/३ लाख रुपैयाँ मात्र आउँछ पनि भने ।’

अहिले कयौं मानिस आफ्नो दुःख देखाएर युट्युबमा अन्तर्वाता दिएका भरमा भाइरल भएर धेरै आर्थिक सहयोग हात पारिरहेका छन् । यस्तो सूचना टाँसेर भाइरल बन्न खोजेको हो कि भन्दा उनी भन्छन् ‘त्यो मैले सोचेको छैन, मैले त्यस्तो गर्न खोजेको पनि होइन ।’

अनि अवैधानिक काम गर्न किन खोजेको त ?

‘मेरो समस्याको अरु समाधान के हो त ? घर भएको २ कठ्ठा सरकारी (ऐलानी) जमिन बेचौं भने पनि ५० हजार भन्दा आउँदैन ।’

उनका घरमा आमाबाबु र छोराछोरी छन् । दाजुभाइ अलग–अलग छन् । काठमाडौंमा आएर धेरै ऋण लगाएपछि घरमा आफूलाई नराम्रो मान्ने गरेको उनले सुनाए । ‘मलाई त घर पनि नआइज भनेका छन्’ धामी भन्छन्, ‘आफ्नो ऋण आफैं तिर् भन्छन् ।’

नेपालमा कोरोना महामारी सुरु भएपछि धेरैले काम र रोजगारी गुमाए । कतिपयको व्यवसाय चौपट भएर सडकमा आएका छन् । हामीले ठानेका थियौं, धामी यस्तै समस्यामा परेका व्यक्ति होलान् । तर, होइन रहेछ । तपाईं त आफ्नै कारणले समस्यामा फस्नुभएको रहेछ । उनले भने ‘के गर्ने, त्यस्तै त्यस्तै भयो । साथीले राम्रो साथ दिएन ।’

मिर्गौला बिक्री भएन भने के गर्ने त ? उनलाई सोध्दा उनी बिक्री हुनेमै आशावादी देखिए । ‘होला नि, किन नहुने ? मैले त सकिन्छ भने बेच्ने नै भनेको हो’ उनी भन्छन् ।

यस्तो गैरकानुनी काम गरेको भनेर प्रहरीले पक्राउ गर्‍यो भने के गर्ने ? ‘समायो भने ठीक छ । के छ र, यसै मर्नु, उसै मर्नु’ धामी भन्छन् ।

प्रहरीको फोन

उनले सूचना टाँसेकै केही घण्टामा महानगरीय प्रहरी परिसर टेकुबाट प्रहरीले फोन पनि गरेको रहेछ । ‘टेकुबाट हो, पुलिस बोलेको भन्दै थिए,’ धामीले भने, ‘तपाईले किन टाँसेको सबै निकाल्नुस् भन्दै हुनुहुन्थ्यो । म यस्तो–यस्तो भएर गरेको हो, निकाल्न सक्दैन भनेकै हो ।’

महानगरीय प्रहरी परिसर काठमाडौंका प्रमुख एसएसपी श्याम ज्ञवालीले त्यस्तो सूचना टाँसेको जानकारी आएपछि सम्पर्क गरेर उप्काउन आग्रह गरेको बताए । इन्सपेक्टर सुधीरराज शाहीलाई सूचनाबारे बुझ्न पठाएको ज्ञवालीले बताए ।

‘हामीले बुझ्दा आर्थिक समस्यामा परेर त्यसो गरेको भन्ने बुझ्यौं, त्यो सूचना तुरुन्तै च्यात्न लगायौं’ ज्ञवालीले भने ‘अझै पनि त्यसो गरेमा मानव बेचविखन ब्युरोसँग समन्वय गरेर कानुनी कारवाही अगाडि बढाउछौं । तत्काललाई भने सचेत गराएका छौं ।’

अहिले धामी कलंकीमा बस्छन् । हामीसँग उनले ३ दिनदेखि खाना नखाएको भनेका थिए । ‘एकजना पत्रकार दाइले ३/४ सय रुपैयाँ दिएपछि हिजो खाएँ’ उनले भने ।

केही काम गरे भो नि त भनेर सोध्दा उनी भन्छन्, ‘लकडाउन पनि थियो । साहुले फोन गर्‍या गर्‍यै छन् । ज्यामी काम गरे ५/६ सय रुपैयाँ आउँछ । त्यसले कोठाभाडा र आफूलाई खान ठिक्क हुन्छ । त्यत्रो ऋण कसरी तिर्ने ?’ साभार अनलाइनखबरबाट 

]]>
यौन–सुख : जि स्पट र आनन्द https://www.najiknews.com/news/3943 Thu, 01 Oct 2020 18:35:16 +0545 https://www.najiknews.com/news/3943 यस्ता महिलाहरूले लिङ्ग प्रवेशभन्दा पहिले नै अर्गेज्मको लागि संवेदनशील अंगमा छुने लगायतका अर्गेज्मका विभिन्न शैली भोगिसकेका हुन्छन् । यसमा जी स्पट भन्ने एउटा संवेदनशील अंग हुन्छ जसमा छुँदामात्रै पनि महिलाहरू चरम आनन्दमा पुग्ने गर्छन् । महिलामा उत्तेजना कसरी बढाउने ? भन्ने कुरा धेरैको लागि महत्वपूर्ण र चासोपूर्ण कुरा हो । महिलालाई कुन अंगमा छुँदा उनीहरुमा उत्तेजना आउँछ भन्ने कुरा स्वयं महिलालाई पनि थाहा नहुन सक्छ । सुरुसुरुमा कुनै पनि महिलाको लागि यो कुरा पत्ता लगाउन नै मुस्किल हुन्छ कि कसरी चरम आनन्द प्रदान गर्ने ?

सन् २०१७ मा गरिएको एक अध्ययन अनुसार लिङ्ग प्रवेशबाट मात्रै कुनै पनि महिलालाई चरम आनन्द प्राप्त गराउनु मुस्किल काम हो । महिलाहरूको लागि सम्भोगबाट अर्गेज्म प्राप्त गर्नु अपेक्षाकृत रूपमा असामान्य हुन्छ । वास्तवमा केवल १८ प्रतिशत महिलामात्रै लिङ्ग प्रवेशबाट चरम आनन्द प्राप्त गर्ने खालका हुन्छन् । यस्ता महिलाहरूले लिङ्ग प्रवेशभन्दा पहिले नै अर्गेज्मको लागि संवेदनशील अंगमा छुने लगायतका अर्गेज्मका विभिन्न शैली भोगिसकेका हुन्छन् । यसमा जी स्पट भन्ने एउटा संवेदनशील अंग हुन्छ जसमा छुँदामात्रै पनि महिलाहरू चरम आनन्दमा पुग्ने गर्छन् ।

जी स्पट के हो ?

अहिलेसम्म जी स्पट वास्तवमा हुन्छ या हुन्न भन्ने बारेमा समेत कुनै स्थापत्य प्रमाण छैन । तर जर्नल अफ सेक्सुअल मेडिसिनमा प्रकाशित एक अध्ययनले जी स्पटको रचनात्मक अस्तित्वको बारेमा बताएको छ । जीस्पटको बारेमा पहिलो पटक सन् १९५० को दशकमा खोज गरिएको थियो । डा. अन्स्र्ट ग्रेफेनवर्गले मूत्र मार्गको साथ योनीको भित्र माथिल्लो भागमा रहेको यो अंग उत्तेजनाको लागि सक्रिय रहेको उल्लेख गरेका छन् ।

जी स्पट वास्तवमा योनीको भित्र एउटा सानो क्षेत्र हुन्छ । यो योनीको भित्र दुई इन्च या त्योभन्दा थोरै भित्र माथिल्लो भागमा रहने गर्छ । जी स्पट यौन संवेदनशील हुन्छ र उत्तेजनाको समयमा यसले आनन्द दिने गर्छ । जी स्पट महिलाको योनीमा हुने एउटा निश्चित स्थान होइन । यो त योनीमा जुन सुकै ठाउँमा पनि पाउन सकिन्छ । यौन सम्पर्कको समयमा जी स्पटलाई उत्तेजित पार्न कोही महिला इच्छित हुन्छन् भने कोही यसमा चासो राख्दैनन् ।  महिलाहरू यस तरिकाले या कुनै अर्काे तरिकाले समेत संवेदनामा कुनै अन्तर महसुस हुँदैन ।

जी स्पट कहाँ रहन्छ ?

जी स्पट योनीको लगभग दुई देखि तीन इन्च भित्र माथिल्लो भागमा हुने गर्छ । यदि स्वयं यसलाई पत्ता लगाउन चाहनुहुन्छ भने आफ्नो औंलाले यसलाई पत्ता लगाउन मुस्किल हुने गर्छ ।

यदि तपाईं चाहनुहुन्छ भने, सबैभन्दा सुरुमा आफ्नो पेटमा हात राख्नुहोस् । त्यसपछि बिस्तारै हातलाई आफ्नो योनी तर्फ घिसारेर लैजानुहोस् । दोस्रो पटक दुई वटा औंलालाई त्यसरी नै पेटबाट योनीसम्म लैजानुहोस् र बिस्तारै योनीबाट पेटतिर लैजानुहोस् । यस्तो गर्दा जीस्पट कहाँ छ भन्ने थाहा हुन सक्छ ।

धेरै महिलाले आफ्नो जी स्पट नभेटेको महसुस गर्छन् । महिलामा जी स्पट खोज्नको लागि पहिले उत्तेजनामा जानु पर्ने हुन्छ । जी स्पट खोज्नको लागि तपाईं कुनै स्त्री रोग विशेषज्ञ कहाँ जानु भयो भने तपाईंले त्यतिबेला पनि जी स्पट खोज्न सक्नुहुन्न । किनकि त्यो बेलामा तपाईं उत्तेजित हुनुभएको नहुन सक्छ । बरु एक्लै कोठामा बसेर पूरा उत्तेजनामा पुगेको बेलामा भने जी स्पट भेट्न सक्छन् ।

जी स्पटलाई कसरी उत्तेजित पार्ने ?

यो रहस्यमयी ठाउँ खोज्नको लागि सबैभन्दा राम्रो तरिका यो हो कि तपाईं यसलाई उत्तेजित गर्नको लागि आफ्नो साथीको साथ काम गर्नुहोस् । यदि माथि उल्लेख गरिए अनुसार महिलाको जी स्पट कहाँ छ भन्ने पत्ता लागिसकेको छ भन्ने अब मजा लिने समय आयो भन्ने बुझ्दा हुन्छ ।

कतिपय महिलालाई जी स्पटमा उत्तेजना नहुन पनि सक्छ । यस्तो अवस्थामा कतिपय महिलालाई हातले जीस्पटमा छोएको मन नपर्न सक्छ । त्यसैले महिलाको बानीलाई ध्यान दिएर मात्रै यसबारेमा ध्यान दिनुपर्छ । अर्काेतर्फ, जीस्पटलाई औंलाले रगड्नु वा मालिस गर्नुले पनि जी स्पटमा उत्तेजना आउन सक्छ ।

यहाँ केही उपाय उल्लेख गरिएको छ जसले जीस्पटको मालिस एवं उत्तेजना बढाउन सकिन्छ 

–पहिलो, यदि तपाईंले जीस्पटलाई बारम्बार आफ्नो औंलाले दबाउन सक्नुहुन्छ । जस्तो कि तपाईं एक बटमलाई दबाउनु हुन्छ त्यसरी नै यसलाई दबाउन सक्नुहुन्छ । केही महिलाको लागि हल्का दबाब पर्याप्त हुन्छ भने केहीको लागि धेरे दबाब आवश्यक पर्छ ।

–दोस्रोमा आफ्नो माझी औंला र साइली औंलाले यता आउ भन्न इसारा गरे जसरी औंलाले जी स्पटलाई बिस्तारै छुन सकिन्छ ।

सबैभन्दा पहिले आफ्नो जीस्पटमा आफ्नो औंलालाई दरिलो पाराले राख्नुपर्छ । यसलाई आवश्यकता अनुसार दबाब दिन पनि सकिन्छ ।

जीस्पटलाई उत्तेजित पार्नको लागि यौन ढाँचा

यदि तपाईं यौन सम्पर्कको समयमा जीस्पटलाई उत्तेजित बनाउन चाहनुहुन्छ भने त्यसको लागि सही कोण वा यौनको सही ढाँचा तयार पार्नु आवश्यक हुन्छ । त्यसको लागि केही यस्ता यौन ढाँचाहरु छन् जुन ढाँचामा यौन सम्पर्क राख्दा महिला धेरै उत्तेजित हुने गर्छन् ।

काउ गर्ल पोज

आफ्नो साथीलाई उसको पीठको बलमा सुत्न लगाउनु होस् । यसरी सुत्दा गाई उभिएको जस्तो अवस्था हुन्छ । त्यसपछि आफू त्यसमाथि चढ्नुहोस् । यो स्थिति तपाईंको लय, गहिराई र प्रवेशको कोणमा पूर्ण नियन्त्रण गर्ने गर्छ । ताकि तपाईं आफ्नो जी स्पट खोज्नेतर्फ ध्यान दिन सक्नुहुन्छ ।

डगी स्टाइल पोज

यो पोज यौन सम्पर्कको दौरान गहिरो आनन्द प्राप्त गर्ने एउटा शानदार तरिका हो । यसमा आफ्नो जीस्पटलाई हिट गर्नको लागि यसको कोण बदल्नु पर्ने हुन्छ ।

जीस्पट स्थिति

जस्तो कि नामबाटै पनि पत्ता लाग्छ कि यो स्थिति तपाईंको यस्तो साथीको लागि हो, जसले एक झड्कामा नै तपाईंको जी स्पटलाई उत्तेजित पार्ने गर्छ । तपाईं आफ्नो पीठको बलले बस्नुहोस् र आफ्नो साथीलाई दुई खुट्टाको बीचबाट प्रवेश गर्न भन्नुहोस् । यो पनि चरम यौन आनन्द लिनको लागि उपयुक्त पोज हो ।

]]>
आयल निगमका कार्यकारी निर्देशक पौडेललाई कोरोना संक्रमण https://www.najiknews.com/news/3942 Thu, 01 Oct 2020 18:32:18 +0545 https://www.najiknews.com/news/3942 तीन दिनदेखि सुख्खा खोकी लागेपछि उहाँ घरमै आइसोलेसनमा बस्नु भएको थियो, बिहिबार आएको स्वाब नतिजामा कोरोना देखियो,’ निगम स्रोतले भन्यो । पौडेलको स्वस्थ्य अवस्था सामान्य रहेको र उनी आफ्नै घरको आइसोलेसनमा छन् । आफ्नो प्रत्यक्ष सम्पर्कमा रहेकाहरुलाई आवश्यक सर्तकता अपनाउन पौडेलले आग्रह गरेको निगमले जनाएको छ । काठमाडौं : नेपाल आयल निगमका कार्यकारी निर्देशक सुरेन्द्रकुमार पौडेललाई कोरोना संक्रमण भएको छ । शंकास्पद लक्षणपछि बुधबार गरिएको स्वाब परीक्षणको रोर्पोट पोजेटिभ आएको निगम स्रोतले जनाएको छ । तीन दिनदेखि सुख्खा खोकी लागेपछि उहाँ घरमै आइसोलेसनमा बस्नु भएको थियो, बिहिबार आएको स्वाब नतिजामा कोरोना देखियो,’ निगम स्रोतले भन्यो ।
पौडेलको स्वस्थ्य अवस्था सामान्य रहेको र उनी आफ्नै घरको आइसोलेसनमा छन् । आफ्नो प्रत्यक्ष सम्पर्कमा रहेकाहरुलाई आवश्यक सर्तकता अपनाउन पौडेलले आग्रह गरेको निगमले जनाएको छ ।

]]>
सरकारले डा. केसीलाई भन्यो – यो बेला अनशन सुहाउँदो विषय होइन https://www.najiknews.com/news/3941 Thu, 01 Oct 2020 18:26:22 +0545 https://www.najiknews.com/news/3941 एकातिर चिकित्सकहरु, स्वास्थ्यकर्मीहरु, सुरक्षाकर्मीहरु कोभिडबाट जनतालाई कसरी जोगाउन सकिन्छ भनेर लागिरहनुभएको छ । यस्तो असामान्य बेला अनशन, सत्याग्रह, धर्ना, हड्ताल यो बेला सुहाउँदो विषय हो र पक्कै पनि होइन’ मन्त्री ज्ञवालीेले भने । काठमाडौं : सरकारले चिकित्सा शिक्षा सुधारको माग राखेर अनशनमा बसेका डा. गोविन्द केसीलाई अनशन तोड्न आग्रह गरेको छ । बिहीबार सरकारको निर्णय सार्वजिनक गर्न आयोजित पत्रकार सम्मेलनमा सरकारका प्रवक्ता परराष्ट्रमन्त्री प्रदीप ज्ञवालीले अहिले सबै नागरिकलाई कोरोनाबाट कसरी जोगाउने भनेर लाग्नुपर्ने बेलामा अनशन, सत्याग्रह, धर्ना सुहाउँदो विषय नभएको बताए ।

एकातिर चिकित्सकहरु, स्वास्थ्यकर्मीहरु, सुरक्षाकर्मीहरु कोभिडबाट जनतालाई कसरी जोगाउन सकिन्छ भनेर लागिरहनुभएको छ । यस्तो असामान्य बेला अनशन, सत्याग्रह, धर्ना, हड्ताल यो बेला सुहाउँदो विषय हो र पक्कै पनि होइन’ मन्त्री ज्ञवालीेले भने ।

उनले डा. केसीका धेरै माग पूरा भइसकेको र पूरा गर्न बाँकी विषयमा पछि छलफल गर्न सकिने बताए ।

‘केही विषय बाँकी छ भने पछि छलफल गर्न सकिन्छ । मेरो नेपाल सरकारको तर्फबाट उहाँलाई आग्रह छ, उहाँका साथीहरुलाई आग्रह छ । अहिले अनशन फिर्ता लिएर हामी सबै कोभिड विरुद्धको लडाईंमा जोडियौं । जनतालाई महामारीबाट जोगाउऔं, बाँकी विषय त हामी समय क्रममा छलफल गर्दै जान सक्छौं’ मन्त्री ज्ञवालीले भने ।

मन्त्री ज्ञवालीले डा. केसीले राखेका धेरै माग पूरा भइसकेको पनि जिकिर गरे । सबै प्रदेशमा मेडिकल कलेज स्थापना गर्ने माग पूरा हुने क्रममा रहेको र पीसीआर टेस्टको दायरा बढिसकेको उनले बताए ।

अहिले यस विषयमा सरकारलाई थप दबाब दिन जरुरी नरहेको पनि मन्त्री ज्ञवालीको दावी छ । ‘अन्य विषयमा साधन संोतले भ्याएरसम्म सरकारले हरसम्भव प्रययत्नहरु गरिरहेको छ’ उनले भने ।

]]>
सेती प्रादेशिक अस्पतालमा उपचाररत कैलालीकी कोरोना सक्रमितको मृत्यु https://www.najiknews.com/news/3940 Thu, 01 Oct 2020 17:06:21 +0545 https://www.najiknews.com/news/3940 श्रेष्ठले दिएको जानकारी अनुसार निमोनियाकी बिरामी रहेकी उनी बुधवार बिहान ११ बजे अस्पतालमा भर्ना भएकी थिईन्। राति ८ बजे मृत्यु भएकोमा आज कोरोना पुष्टि भएको हो। भवानी दल गणबाट सह सेनानी नवलसिंह रोकायाको कमान्डमा रहेको सेनाको टोलीले उनको शव व्यवस्थापन गरेको छ। तेघरी सामुदायिक वनमा शव व्यवस्थापन गरिएको हो। कैलाली : सेती प्रादेशिक अस्पताल धनगढीमा उपचाररत कैलालीकी कोरोना सक्रमितको मृत्यु भएको छ। गोदावरी नगरपालिका वडा नम्वर १२ की ३० बर्षीया महिलाको मृत्यु भएको सेती प्रादेशिक अस्पतालका सूचना अधिकारी दिलिप कुमार श्रेष्ठले जानकारी दिए।

श्रेष्ठले दिएको जानकारी अनुसार निमोनियाकी बिरामी रहेकी उनी बुधवार बिहान ११ बजे अस्पतालमा भर्ना भएकी थिईन्। राति ८ बजे मृत्यु भएकोमा आज कोरोना पुष्टि भएको हो। भवानी दल गणबाट सह सेनानी नवलसिंह रोकायाको कमान्डमा रहेको सेनाको टोलीले उनको शव व्यवस्थापन गरेको छ। तेघरी सामुदायिक वनमा शव व्यवस्थापन गरिएको हो। 

योसंगै चार महिनाको अवधिमा सुदूरपश्चिमका २२ जना कोरोना संक्रमितको मृत्यु भएको छ। कैलालीका १०, अछामका ५, बझाङका तीन, बाजुराका दुई, बैतडी र डडेल्धुराका एकरएक जना संक्रमितको मृत्यु भएको हो।

त्यसमध्ये तीन जनाले भने आत्महत्या गरेका हुन्। दुई जनामा आत्महत्या गरेपछि कोरोना पुष्टि भएको हो भने एक जनाले कोरोना लागेपछि आत्महत्या गरेका हुन्।

]]>
कोरोना संक्रमणका कारण पहिलो पटक चिकित्सकको मृत्यु https://www.najiknews.com/news/3939 Thu, 01 Oct 2020 16:48:33 +0545 https://www.najiknews.com/news/3939 २ साताअघि संक्रमण पुष्टि भएका उनलाई सास फेर्न गाह्रो भएपछि नेपालगञ्जको भेरी अस्पतालमा ल्याइएको थियो । बिहीबार एक्कासी स्वास्थ्यमा समस्या देखिएपछि भेन्टिलेटरमा राखेर उपचार गर्दा दिउँसो ३ बजेतिर मृत्यु भएको कर्णाली प्रदेश स्वास्थ्य निर्देशनालयका प्रमुख डा. रविन खड्काले जानकारी दिए । कोरोना भाइरस संक्रमणका कारण नेपालमा पहिलो पटक चिकित्सकको मृत्यु भएको छ । कर्णाली प्रदेश अस्पताल सुर्खेतका ५८ वर्षका चिकित्सकको कोरोना भाइरस संक्रमणका कारण बिहीबार मृत्यु भएको प्रदेश स्वास्थ्य निर्देशनालयले जानकारी दिएको छ । २ साताअघि संक्रमण पुष्टि भएका उनलाई सास फेर्न गाह्रो भएपछि नेपालगञ्जको भेरी अस्पतालमा ल्याइएको थियो ।

बिहीबार एक्कासी स्वास्थ्यमा समस्या देखिएपछि भेन्टिलेटरमा राखेर उपचार गर्दा दिउँसो ३ बजेतिर मृत्यु भएको कर्णाली प्रदेश स्वास्थ्य निर्देशनालयका प्रमुख डा. रविन खड्काले जानकारी दिए ।

]]>
थप १ हजार ९११ जनामा कोरोना पुष्टि, मृत्यु हुनेको संख्या नाघ्यो ५ सय https://www.najiknews.com/news/3938 Thu, 01 Oct 2020 16:46:43 +0545 https://www.najiknews.com/news/3938 त्यस्तै यस अवधिमा ९६१ जना कोरोनाबाट निको भएका छन्। यीसहित हालसम्म कोरोनाबाट निको हुनेको संख्या ५७ हजार ३८९ पुगेको छ। देशभर सक्रिय संक्रमितको संख्या २१ हजार ८३० रहेको मन्त्रालयले जनाएको छ।  पछिल्लो २४ घण्टामा मृतक ११ जनामा कोरोना पुष्टि भएको छ। यीसहित हालसम्म मृत्यु हुनेको संख्या ५०९ पुगेको छ। बिहीबार देशभर थप १ हजार ९११ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा सो संख्याका संक्रमित थपिएका हुन्। यीसहित हालसम्म देशभर संक्रमित हुनेको संख्या ७९ हजार ७२८ पुगेको छ। 

त्यस्तै यस अवधिमा ९६१ जना कोरोनाबाट निको भएका छन्। यीसहित हालसम्म कोरोनाबाट निको हुनेको संख्या ५७ हजार ३८९ पुगेको छ। देशभर सक्रिय संक्रमितको संख्या २१ हजार ८३० रहेको मन्त्रालयले जनाएको छ।  पछिल्लो २४ घण्टामा मृतक ११ जनामा कोरोना पुष्टि भएको छ। यीसहित हालसम्म मृत्यु हुनेको संख्या ५०९ पुगेको छ। 

पछिल्लो २४ घण्टामा १२ हजार ४४४ जनाको पिसिआर परीक्षण भएको छ। 

]]>
दशैँका विभिन्न साइत सार्वजनिक, कति बजे छ टीकाको उत्तम साइत ? https://www.najiknews.com/news/3937 Thu, 01 Oct 2020 16:26:44 +0545 https://www.najiknews.com/news/3937 कात्तिक १४ गते शुक्रबार विधिपूर्वक गरिने सबै बलि पूर्तिको कर्म गर्नुपर्छ। कोजाग्रत पूर्णिमा पनि कात्तिक १४ गते शुक्रबारकै दिन परेको छ। त्यस दिन रातभर जाग्राम बसी धनधान्यकी देवी महालक्ष्मीको विशेष पूजा आराधना गरिन्छ। महालक्ष्मीको विशेष आराधना गर्ने भक्तजनले कोजाग्रत पूर्णिमाको व्रत बस्ने गर्छन्। काठमाडौँ: नेपाल पञ्चाङ्ग निर्णायक समितिले विसं २०७७ को विजयादशमीलगायत दशैँका विभिन्न साइत सार्वजनिक गरेको छ। विसं २०७७ कात्तिक १ गते शनिबारदेखि नेपालीको महान् चाड बडादशैँ शुरु हुँदैछ। 

दुर्गा पक्षसमेत भनिने दशैँको पहिलो दिन वैदिक सनातन धर्मावलम्बीले घरघरमा दियो, कलश र गणेश स्थापना गरी विशेष पूजासहित घटस्थापना गर्छन्। घटस्थापनाको साइत कात्तिक १ गते शनिबार बिहान ११ः४६ बजे शुभ रहेको समितिका अध्यक्ष प्रा डा रामचन्द्र गौतमले राससलाई जानकारी दिए। 

यस वर्ष घटस्थापनाका दिन चित्रा नक्षत्र परेकाले दोष नाश गर्ने अभिजित् मुहूर्त दिनुपर्दा ११ः४६ बजेको साइत निस्किएको समितिले जनाएको छ। नवरात्र शुरु हुने घटस्थापनाको साइतका लागि लग्न र बेला पनि उपयुक्त दिइएको जनाइएको छ।

घटस्थापना गरिएको कलशको मुखमा नवदुर्गालाई आह्वान गरी नौ रात १० दिनसम्म विधिपूर्वक पूजा आराधना एवं दुर्गा सप्तशती चण्डी, देवीभागवत्, देवी स्तोत्रलगायत देवीको महिमागान गाइएका श्लोक वाचन एवं पाठ गरिन्छ। देशभरका शक्तिपीठमा घटस्थापनाकै दिनदेखि विशेषरूपमा भक्तजनको भीड लाग्ने भए पनि यस वर्ष कोरोना भाइरसको सङ्क्रमण बढ्दै गएकाले भौतिक दूरी कायम गरी दर्शन गर्नुपर्ने अवस्था छ। हाल गुह्येश्वरीलगायत राजधानीका मुख्य शक्तिपीठमा भक्तजनलाई दर्शन गर्न दिइएको छैन।

कात्तिक २ गते आइतबार बिहान १०ः५३ बजे पश्चिम फर्केर झण्डा फेर्ने साइत दिइएको छ। विशेषगरी नेपाली सेनाले झण्डा फेर्ने गरेको जनाइएको छ। कात्तिक ५ गते बुधबार पचली भैरव यात्राको साइत जुरेको छ। कात्तिक ७ गते शुक्रबार फूलपाती छ। फूलपाती भित्र्याउन साइत आवश्यक पर्दैन। विशेषगरी बेलुकी नवदुर्गा स्थापना गरी घटस्थापना गरिएको पूजा कोठा अथवा दशैँ घरमा फूलपाती भित्र्याइन्छ। 

कात्तिक ७ गते शुक्रबार फूलपातीकै दिन बिहान ८ः५६ बजे तुलजा भवानीको यात्रा चलाउने साइत छ। यात्रा सकेर बिहान १०ः१४ बजे तुलजा भवानीलाई स्थिर आसनमा राख्ने साइत निस्किएको समितिले जनाएको छ। 
कात्तिक ८ गते शनिबार महाअष्टमी पर्व मनाइन्छ। यस दिन बलि दिनेले बलिसहित देवीको पूजा आराधना गर्छन्। बेलुकी कालरात्रि मनाइन्छ। कात्तिक ९ गते आइतबार महानवमी पर्व पनि शक्तिपीठमा पूजा आराधना गरी मनाइन्छ। यस दिन वसन्तपुरको कोतमा राज्यका तर्फबाट बलिसहित पूजा आराधना हुन्छ।

दशैँको मुख्य दिन कात्तिक १० गते सोमबार विजयादशमी पर्व परेको छ। यस दिन बिहान नौ रात १० दिन पूजा गरिएको स्थलमा देवी विसर्जनका लागि बिहान १०ः११ बजेको साइत शुभ रहेको समितिका अध्यक्ष गौतमले सनाए। विजयादशमीमा साइत नै खोजेर टीका लगाउनेका लागि भने बिहान १०ः१९ बजेको साइत उत्तम छ। 

“आर्यावर्त क्षेत्रका राज्य सञ्चालकले अनिवार्यरूपमा शुभ साइतमा देवीको प्रसाद लगाउनुपर्ने शास्त्रीय वचन छ, आर्यावर्त क्षेत्रमा नेपाल, भारत, पाकिस्तान, बङ्गलादेश, श्रीलङ्का, भूटान, बर्मालगायत देश पर्छन्, यी देशका शासकले देवीको आशीर्वाद लिएर राज्य सञ्चालन गरे शान्ति र सुशासन दिनसक्ने शास्त्रीय मान्यता छ”, उनले भने।

विजयादशमीका दिन घटस्थापना गरिएको घडाको जलले अभिषेक गरी मान्यजनबाट जमरासहित देवीको प्रसाद लगाइन्छ। सामान्य मानिसले भने विजयादशमीका दिन दिनभर टीका ग्रहण गर्न कुनै बाधा नरहेको समितिको निर्णय छ। देशका धेरै स्थानमा विजयादशमीदेखि कोजाग्रत पूर्णिमाका दिनसम्म मान्यजनबाट टीकासहित आशीर्वाद लिइने परम्परा छ।

टीकाकै दिन बिहान ८ः४७ बजे तुलजा भवानीको यात्रा गराउने साइत जुरेको छ। तुलजा भवानीलाई स्थिर आसनमा राख्ने साइत भने बिहान ९ः४९ बजेको छ। खड्गयात्रासमेत यसैदिन गरिन्छ। 

कात्तिक १४ गते शुक्रबार विधिपूर्वक गरिने सबै बलि पूर्तिको कर्म गर्नुपर्छ। कोजाग्रत पूर्णिमा पनि कात्तिक १४ गते शुक्रबारकै दिन परेको छ। त्यस दिन रातभर जाग्राम बसी धनधान्यकी देवी महालक्ष्मीको विशेष पूजा आराधना गरिन्छ। महालक्ष्मीको विशेष आराधना गर्ने भक्तजनले कोजाग्रत पूर्णिमाको व्रत बस्ने गर्छन्। 

चान्द्रमासअनुसार प्रत्येक वर्ष आश्विन शुक्ल प्रतिपदादेखि पूर्णिमासम्म १५ दिन मनाइने दुर्गा पक्ष अर्थात् बडादशैँ पर्व यस वर्ष अधिकमास अर्थात् मलमासका कारण कात्तिक १ गतेदेखि शुरु हुँदैछ। मलमासका कारण यस वर्षका अब आउने सबै चाडपर्व केही ढिला हुन्छ।

]]>
अध्ययन भन्छ, ‘अत्याधिक खानाले गंभिर रोगको जोखिम’ https://www.najiknews.com/news/3936 Thu, 01 Oct 2020 16:21:14 +0545 https://www.najiknews.com/news/3936 विभिन्न अनुसन्धानले वर्णन गरे अनुसार अस्वस्थ खानाले कसरी मुटुको असुरक्षा बढाउँछ । अधिक खाना खाने बानीले खाना खाएको दुई घण्टासम्म हृदयाघातको जोखिम बढाउँछ । त्यसो भए यस अनुसन्धानले के भन्छ भनेर विस्तारमा जानौं । स्वास्थ्य सम्बन्धी चेतनाविना नै खाना खानेसम्बन्धी बानीका कारण प्रायः मान्छेहरू बिरामी हुने गर्छन् । यसले केवल पेटको समस्यामात्रै निम्त्याउँदैन, ती अन्य धेरै गम्भीर रोगहरूको कारण पनि यही बेवास्ता गरिएको खाना हुन सक्छ ।

पछिल्लो एक अनुसन्धानले भने यो सामान्य मान्यता विपरीतको नतिजा देखाएको छ । जो मान्छे खराब तरिकाले खाना खाने खाने मात्रै होइन, धेरै खाना खानेहरूमा समेत हृदयघात लगायतको समस्या हुने सम्भावना धेरै हुन्छ ।

विभिन्न अनुसन्धानले वर्णन गरे अनुसार अस्वस्थ खानाले कसरी मुटुको असुरक्षा बढाउँछ । अधिक खाना खाने बानीले खाना खाएको दुई घण्टासम्म हृदयाघातको जोखिम बढाउँछ । त्यसो भए यस अनुसन्धानले के भन्छ भनेर विस्तारमा जानौं ।

अनुसन्धानले के भन्छ ?

अमेरिकाको रोग नियन्त्रण तथा रोकथाम केन्द्र (सीडीसी) का अनुसार अमेरिकामा प्रत्येक वर्ष ६ लाख १० हजार जना  मानिसहरू हृदयाघातबाट मर्ने गर्छन् । जब अन्वेषकहरूले यसको कारण जान्न चाहे त्यहाँ केही अनौंठो बानी पत्ता लाग्यो । यिनीहरूमध्ये एउटा मुख्य बानी भनेको अत्यधिक धेरै खाना खानु पनि रहेको छ । यस अनुसन्धानले देखाउँछ कि भारी खानाले नै हृदयघातको लागि ट्रिगरको काम गर्ने गर्छ । यो विशेषगरी बढी वजन वा मोटाइ भएका व्यक्तिहरूका लागि नोक्सानदायक हुन्छ ।

अधिक खानाले हृदयाघातको खतरा निम्त्याउँछ

अधिक खाना खाँदा शरीरमा कोलेस्ट्रोल र उच्च रक्तचापसँग सम्बन्धित समस्याहरू पनि हुन्छन् । जुन सबैभन्दा बढी हृदयको स्वास्थ्यसँग सम्बन्धित छ । वास्तवमा, कोलेस्ट्रोलको उच्चस्तरले तपाईंको धमनालाई अलग पार्छ र रक्तसञ्चारमा समस्या उत्पन्न गर्छ । यो रक्त परिसञ्चरण समस्या रक्तचापसँग जोडिएको छ र तिनीहरूसँगै हृदयाघातको सम्भावना पनि बढ्ने गरेको छ । साथसाथै धेरै अन्य कारणहरू पनि छन्, जसको कारण भारी खानाले हृदयघातको सम्भावना बढाउन सक्छ । वास्तवमा खाना खान र यसलाई पचाउनको लागि ऊर्जाको आवश्यकता पर्छ जसले अक्सिजनको आवश्यकतासँगै रक्तचाप बढाउँछ । यसले मुटुमा बढी रगत पम्प गर्छ ।

त्यस्तै, उच्च रक्तचापले धमनीका भित्तामा रक्त वाहिनीलाई अवरोध पु¥याउँछ । जसले हृदयाघात वा स्ट्रोकलाई निम्त्याउँछ । त्यस्तै, उच्च बोसोयुक्त आहारले एन्डोथेलियमको कार्यलाई नोक्सानी पु¥याउँछ, जुन धमनीहरूको भित्री तह हो । अन्वेषकहरूले पत्ता लगाएका छन् कि धेरै र भारी खानेकुरा खाएको दुई घण्टाभित्र हृदयाघातको खतरा झण्डै चार गुणा बढ्छ । यस्तो समस्या विशेष गरी पहिले नै हृदय रोगबाट पीडित व्यक्तिमा धेरै हुने गर्छ । जस्तै, कोरोनरी धमनी रोग वा पहिले हृदयघात भएको व्यक्तिमा यस्तो समस्या धेरै हुने गर्छ ।

नेपालीले नियमित खाने खानामा कार्बोहाइड्रेट, प्रोटिन र अन्य आवश्यक पोषक तत्वहरूको सन्तुलित अनुपात हुने गर्छ । तर पनि यस्तो खाना समेत धेरै खाँदा समस्या हुन सक्छ । क्रिम वा बटरको साथ भुटेको खानाको अधिक खपतले पनि सजिलै हृदय रोगहरू निम्त्याउन सक्छ । त्यसैले खाना सन्तुलित रुपमा खानुपर्छ ।

]]>
ऋचा लेख्छिन्–‘याद राख्नुहोला यी नामहरु, इतिहासमा लेखाजोखा हुनेछ’ https://www.najiknews.com/news/3935 Thu, 01 Oct 2020 16:17:32 +0545 https://www.najiknews.com/news/3935 पूर्व गृहमन्त्री बामदेव गौतमदेखि वर्तमान गृहमन्त्री रामबहादुर थापाले बलात्कारको बिषयमा दिएको बयानले आक्रोशित भएकी ऋचाले यी नामहहरुको इतिहासमा लेखाजोखा हुने बताएकी हुन् । गृहमन्त्री थापाले बुधबार विश्वका सवा २ सय देशको अवस्था हेर्दा बलात्कारको बिषयमा नेपालले चिन्ता गर्नुपर्ने ठाउँ नरहेको बताएका थिए । नायिका ऋचा शर्माले देशमा बलात्कारको घटना बढ्दै जाँदा पनि विभिन्न कालखण्डमा गृहमन्त्री भएका नेताहरुले दिएको बयानमा आक्रोश व्यक्त गरेकी छिन् । पूर्व गृहमन्त्री बामदेव गौतमदेखि वर्तमान गृहमन्त्री रामबहादुर थापाले बलात्कारको बिषयमा दिएको बयानले आक्रोशित भएकी ऋचाले यी नामहहरुको इतिहासमा लेखाजोखा हुने बताएकी हुन् । गृहमन्त्री थापाले बुधबार विश्वका सवा २ सय देशको अवस्था हेर्दा बलात्कारको बिषयमा नेपालले चिन्ता गर्नुपर्ने ठाउँ नरहेको बताएका थिए ।


उनले बुँदागत रुपमा लेखेकी छिन्ः
१. यस्तो बेला बलात्कार भैरहन्छ–भूकम्पपछि माननिय गृहमन्त्री बामदेव गौतम

२. बलात्कार पूजिवादले गराएको हो–निर्मला हत्याकाण्डपछि माननिय गृहमन्त्री रामबहादुर थापा

३. बलात्कार भनिएको केसमा ९० प्रतिशत महिलाले रमाइलो गर्छन्–माननिय रामनारायण विडारी

४. दिनमा ७ जना जति मात्रै बलात्कार, चिन्ता लिनुपर्ने अवस्था होइन–माननिय गृहमन्त्री रामबहादुर थापा ।

]]>
डोटीको पानीखालमा टिप्पर दुर्घटना https://www.najiknews.com/news/3934 Thu, 01 Oct 2020 16:11:13 +0545 https://www.najiknews.com/news/3934 सिएवी कन्सट्रक्सन प्रालिले सडक निर्माण तथा स्तरउन्नती गर्ने कार्यमा प्रयोग गर्दै आएको उक्त टिप्पर ब्याक हुँदा दुर्घटना भएको स्थानीयले बताएका छन्। चालकले टिप्पर स्टार्ट गरेर सिसा सफा गरिरहेका बेला एक्कासी गाडी ब्याक भएर दुर्घटना भएको बताइएको छ। डोटी: डोटीमा टिप्पर दुर्घटना भएको छ। जिल्लाको दिपायल सिलगढी नगरपालिका –६ नाचनथली पानीखाल नजिक से१प १३४९ नम्बरको टिप्पर दुर्घटना भएको हो। 

सिएवी कन्सट्रक्सन प्रालिले सडक निर्माण तथा स्तरउन्नती गर्ने कार्यमा प्रयोग गर्दै आएको उक्त टिप्पर ब्याक हुँदा दुर्घटना भएको स्थानीयले बताएका छन्। चालकले टिप्पर स्टार्ट गरेर सिसा सफा गरिरहेका बेला एक्कासी गाडी ब्याक भएर दुर्घटना भएको बताइएको छ। 

दुर्घटनामा कुनै मानवीय क्षति नभएको सिएवी कन्ट्रसन प्रालिका कर्मचारी ललित बोहोराले बताए। टिप्पर सडकबाट ५० मिटर तल खसेको बताइएको छ। 

]]>
नागरिकता सिफारिसका लागि घुस लिने कार्यालय सहयोगी पक्राउ https://www.najiknews.com/news/3933 Thu, 01 Oct 2020 16:06:51 +0545 https://www.najiknews.com/news/3933 अख्तियार दुरुपयोग अनुसन्धान आयोगको बर्दिबासस्थित कार्यालयको टोलीले वडा कार्यालय नजिकबाटै पञ्जियारलाई २४ हजार रुपैयाँ घुससहित पक्राउ गरेको हो । जनकपुरधाम : नागरिकताका लागि सिफारिस गराइदिने भन्दै घुस लिएका जनकपुरधाम उप महानगरपालिकाका एक जना कार्यालय सहयोगी पक्राउ परेका छन् । उपमहानगरपालिका वडा नम्बर १३ कार्यालयका सहयोगी दिलिप पञ्जियार घुसको रकमसहित बिहीबार पक्राउ परेका हुन् ।

अख्तियार दुरुपयोग अनुसन्धान आयोगको बर्दिबासस्थित कार्यालयको टोलीले वडा कार्यालय नजिकबाटै पञ्जियारलाई २४ हजार रुपैयाँ घुससहित पक्राउ गरेको हो । उनले नागरिकताको सिफारिस गराइदिने भन्दै एक जना सेवाग्राहीसँग घुसवापत उक्त रकम लिएको अख्तियारले जनाएको छ । उनलाई नियन्त्रणमा लिई थप अनुसन्धान अगाडि बढाइएको अख्तियारको बर्दिवास कार्यालयले जनाएको छ ।

]]>
कैलालीमा कार्यरत दुई जना सशस्त्र प्रहरीमाथि जबरजस्तीकरणी गरेको आरोप, जाहेरी दर्ता https://www.najiknews.com/news/3932 Thu, 01 Oct 2020 16:00:08 +0545 https://www.najiknews.com/news/3932 गत भदौँ १५ गते कर्णाली नदीमा माछा मारेर फर्किने क्रममा १९ वर्षीया विवाहित युवती र १४ वर्षीया बालिकामाथि दुवै जवानले जबरजस्तीकरणी उद्योग गरेको दावी सहित जाहेरी दर्ता भएको बताउँदै घटनाको अनुसन्धान भईरहेको ईलाका प्रहरी कार्यालय राजापुरले जनाएको छ। धनगढीः कैलालीमा कार्यरत दुई जना सशस्त्र प्रहरी जनाव विरुद्ध जबरजस्तीकरणी गरेको आरोप लागेको छ। जिल्लाको श्रीलंका पोष्टमा कार्यरत सशस्त्र प्रहरी जवानले जबरजस्तीकरण प्रयास गर्दै यौन दुर्व्यवहार गरेको भन्दै ईंलाका प्रहरी कार्यालय राजापुर बर्दियामा जाहेरी दर्ता गरिएको छ। 

 गत भदौँ १५ गते कर्णाली नदीमा माछा मारेर फर्किने क्रममा १९ वर्षीया विवाहित युवती र १४ वर्षीया बालिकामाथि दुवै जवानले जबरजस्तीकरणी उद्योग गरेको दावी सहित जाहेरी दर्ता भएको बताउँदै घटनाको अनुसन्धान भईरहेको ईलाका प्रहरी कार्यालय राजापुरले जनाएको छ। 

]]>
सौगात दिलका मन छुने गजल : मन ऎना हुनुपर्छ अगाडि झुटो मुस्कान छर्नका लागि ! https://www.najiknews.com/news/3931 Thu, 01 Oct 2020 14:16:41 +0545 https://www.najiknews.com/news/3931 चप्पल जस्तै आफन्त चाहिन्छ प्रगती गर्नका लागि !! झसङ्ग याद आउदा तिमिलाई सम्झिन्छु कसरी भनु ? ऎना हुनुपर्छ अगाडि झुटो मुस्कान छर्नका लागि !

जिन्दगी भरी बाचिराख्नु छ एकदिन मर्नका लागि !!

खुट्टाको सुरक्षा संगै पछाडि हिलो छ्यापिदिन्छन ! 

चप्पल जस्तै आफन्त चाहिन्छ प्रगती गर्नका लागि !!

झसङ्ग याद आउदा तिमिलाई सम्झिन्छु कसरी भनु ?

केही बिर्सेको भएपो सम्झिनु बाकी याद भर्नका लागि !

समाधान अगाबै नडराउनुस ब्यर्थै किन ?

डराउनुहुन्छ बाटो खोज्नुस आएको हो समस्या पनि टर्नका लागि !! 

✍️सौगात दिल साउद त्रिबेणी न.पा बाजुरा

]]>
उपभोक्ता समितिमा एकलौटी काँग्रेस कार्यकर्ता राखेपछि खप्तड छेडेदह ६ को वडा कार्यालयमा तालाबन्दी https://www.najiknews.com/news/3930 Thu, 01 Oct 2020 14:09:39 +0545 https://www.najiknews.com/news/3930 आफू निकटका पार्टी कार्यकर्ता बोलाएर उपभोक्ता समिति गठन गर्ने, योजना निर्माणको जिम्मा दिने गरी निर्णय गरिएपछि बाध्य भएर तालाबन्दी गर्नु परेको नेकपा नेता चन्द्र नाथ योगीले बताएका छन् । वडाले गरेका एकलौटी र कार्यकर्ता भर्ती गर्ने गलत निर्णय खारेज गरी नयाँ विकल्पमा नगएसम्म तालाबन्दी जारी राख्ने नाथको भनाई छ । बाजुरा : खप्तड छेडेदह गाउँपालिका ६ को वडा कार्यालयले सम्पादन गर्ने निर्माणका काममा एकलौटी निर्णय पछि कार्यालयमा तालाबन्दी गरिएको छ । वडा कार्यालयले निर्माण समितिमा एकलौटी काँग्रेस कार्यकर्ता राखेको आरोप सहीत तालाबन्दी गरिएको हो ।

नेपाल कम्यूनिष्ट पार्टी (नेकपा) जिल्ला कमिटी सदस्य चन्द्र नाथ योगीको अगुवाईमा वडा कार्यालयले निर्माण योजनासँग सम्बन्धी गरेका सबै निर्णयको खारेजीको माग सहीत तालाबन्दी गरिएको हो । 

आफू निकटका पार्टी कार्यकर्ता बोलाएर उपभोक्ता समिति गठन गर्ने, योजना निर्माणको जिम्मा दिने गरी निर्णय गरिएपछि बाध्य भएर तालाबन्दी गर्नु परेको नेकपा नेता चन्द्र नाथ योगीले बताएका छन् । वडाले गरेका एकलौटी र कार्यकर्ता भर्ती गर्ने गलत निर्णय खारेज गरी नयाँ विकल्पमा नगएसम्म तालाबन्दी जारी राख्ने नाथको भनाई छ ।

वडा अध्यक्ष कुम्भ नाथ योगीको एकल निर्देशनमा काँग्रेसले जितेको वडामा पहिलो हक काँग्रेसकै हुने भन्दै उपभोक्ता समिति गठनमा सबै कार्यकर्तालाई राखिएको आरोप तालाबन्दी गर्ने पक्षको छ । सबैको साझा भएर काम गर्नु भन्दा पार्टी कार्यालय जस्तो बनाएको प्रति वडा बासीले आपत्ती जनाएका छन् । 

गाउँपालिका र वडामा काँग्रेसले जितेकोले कोही केही गर्न सक्दैन भन्ने दम्भ सहीत वडा अध्यक्षले यस अघि पनि योजना आफू अनुकुल छनोट गर्ने, काँग्रेसलाई छानी छानी अवसर दिने र राज्यको सुविधाबाट जबरजस्त वञ्चित गर्न खोजेको नेकपा निकटको आरोप रहँदै आएको छ ।

No description available.पार्टीको पदमा बसेका र प्रत्यक्ष राजनीतिमा जोडिएका व्यक्तिहरुलाई उपभोक्ता समितिमा बस्न नमिल्ने प्रावधान रहेपनि ६ नम्बर वडाले आफू अनुकुल ब्याख्या गरेर एकलौटी राजनीतिकरण गरेको नेकपा खप्तड छेडेदह गाउँ कमिटी सचिव अम्म नाथले बताएका छन् ।

गएका २ वर्षपनि वडामा एकलौटी समिति गठन गर्ने र अनुकुलमा योजना छनोट गरेर कार्यकर्ता पाल्ने काम गरिएको र यो वर्षपनि त्यसैको निरन्तरता देखिएकोले निर्णायक आन्दोलन गर्नु परेको उनीहरुको भनाई छ । उनीहरुले वडालाई ध्यानाकर्षण पत्र समेत बुझाएका छन् । 

नाइना र सुदाडा टोलका योजनाको उपभोक्ता समिति हिजो गठन गरिएको र आज मैतोला टोलमा गर्न खोज्दा विरोध भएको छ । नाइना सुदाडामा पनि कार्यकर्ता छाननी छानी उपभोक्ता समितिमा राखिएको र आफूहरुलाई वञ्चित गरिएको वडा कमिटी सचिव प्रकाश नेपालीले बताएका छन् ।

मैतोलामा यो वर्ष निर्माण हुने भुवाखाडो निर्माण मैतोला, लम्मेला गोरेटो बाटो निर्माण, किर्याघर निर्माण मैतोला कियाघर निर्माण माथिल्लो टोल, गाउँदेखि छालागाड सम्म पीसीसी बाटो निर्माण, घट्टेखोला देखि बुढा टोल हुँदै बिर्खुलेसम्म गोरेटो बाटो निर्माण, घटाल मन्दिर निर्माण, पील्लुख ढुंगे धारा मर्मत, मल्लो खाडादेखि तल्लो खाडासम्म सिँचाइ कुलो निर्माण, कोइरेली खानेपानी मर्मत, छालागाड खानेपानी मर्मत, भाँडीकुइरा देखि कमडी खोला हुँदै लम्मेलासम्म खानेपानी सबै योजनामा एकलौटी निर्णय गरिएको छ । 

तालाबन्दी गर्न नेकपा नेता चन्द्र नाथको नेतृत्वमा खप्तड छेडेदह गाउँ संगठन कमिटीका सचिव अम्म नाथ, सचिवालय सदस्य मनि नाथ, दिपक नाथ, सदस्य अमर्जन नाथ, तुला नाथ लगायतका नेता कार्यकर्ता वडा कार्यालय पुगेर तालाबन्दी गरेको कुमार नाथले बताएका छन् । यस बारे जानकारीका लागि वडा अध्यक्षसँग फोन गर्दा उठाएका छैनन् । 

No description available.

 

]]>
गजल : असुरक्षित हुदैँ छन् छोरी अनि चेली अचेँल ! https://www.najiknews.com/news/3929 Thu, 01 Oct 2020 13:30:52 +0545 https://www.najiknews.com/news/3929 नेपाल आमाको तन अनि मन बर्बर भएको छ ! थप्प थप्प आँसु चुदैँ रुझेका छन्, परेली अचेँल !! फितलो भएर होकी कानुनको, ठेली अचेँल !
असुरक्षित हुदैँ छन् छोरी अनि ,चेली अचेँल !!

चुडीन्छन् कोपिलाहरु र भाँचिन्छन् बोटहरु !
बगैंचामा फुल्नै पाउँदैन, बेली र चमेली अचेँल !!

नेपाल आमाको तन अनि मन बर्बर भएको छ !
थप्प थप्प आँसु चुदैँ रुझेका छन्, परेली अचेँल !! 
 

]]>
सुदूरपश्चिमका यातायात व्यवसायीलाई फेरि लकडाउन हुने डर https://www.najiknews.com/news/3928 Thu, 01 Oct 2020 12:19:51 +0545 https://www.najiknews.com/news/3928 ‘दशैँका लागि थप सवारी सञ्चालन गर्ने र अग्रिम टिकट बुकिङ खोल्ने विषयमा कुनै तयारी भएको छैन्,’ खप्तड मालिका यातायात प्रालीका अध्यक्ष अनन्तराज जोशीले भने, ‘अहिले न्यून संख्यामा सवारी सञ्चालन हुँदा पनि यात्रु पाउन सकिएको छैन्। त्यसैमा फेरी लकडाउन त हुने होईन भन्ने डर पनि छ।’ धनगढी : स्वास्थ्य तथा जनसंख्या मन्त्रालयले देशभर सक्रिय संक्रमितको संख्या २५ हजार पुगे पुनः लकडाउन गर्नुपर्ने धारणा सार्वजनिक गरेपछि सुदूरपश्चिमका यातायात व्यवसायीहरु हच्किएका छन्। व्यवसायीहरुमा फेरि लकडाउन त हुँदैन् भन्ने त्रास देखिएको हो।

जस्का कारण चाडपर्वमा हुने भीड व्यवस्थापन गर्न सुदूरपश्चिममा थप सार्वजनिक सवारी सञ्चालनको विषयमा अन्यौलता बढेको छ। रिभरसाईड यातायात प्रालीका अध्यक्ष धिरज शाहीले सरकारको भर नहुँदा चाडपर्वमा थप सवारी सञ्चालनबारे निर्णय लिन नसकेको बताए। ‘फेरि लकडाउन त हुने होईन भन्ने आशंका छ,’ उनले भने, ‘महास.घले पनि केही निर्देशन दिएको छैन्। चाडपर्वमा कसरी सवारी सञ्चालन गर्ने विषयमा अन्यौलता छ।’

विगतका वर्षहरुमा दशैं आउन एक महिना अगाडी देखि नै अग्रीम टिकट बुकिङ् खुल्ला हुने गरेको थियो। तर यस वर्ष भने दशैं आउन एक महिला पनि बाँकी नरहेका बेला थप सवारी संञ्चालन गर्ने की नगर्ने भन्ने विषयमा टुङगो लागेको छैन्। महाकाली यातायात प्रालीका अध्यक्ष डम्बर पन्तले चाडपर्वमा यात्रुलाई गन्तव्यमा पुगाउनका लागि स्थानीय प्रशासनले सहजीकरण गर्नुपर्ने बताए। उनले सीमा नाकाबाट स्वदेश फर्किने क्रम जारी नै भएकाले स्थानीय प्रशासनले सवारी सञ्चालनमा सहजीकरण गर्नुपर्ने बताए। 

‘दशैँका लागि थप सवारी सञ्चालन गर्ने र अग्रिम टिकट बुकिङ खोल्ने विषयमा कुनै तयारी भएको छैन्,’ खप्तड मालिका यातायात प्रालीका अध्यक्ष अनन्तराज जोशीले भने, ‘अहिले न्यून संख्यामा सवारी सञ्चालन हुँदा पनि यात्रु पाउन सकिएको छैन्। त्यसैमा फेरी लकडाउन त हुने होईन भन्ने डर पनि छ।’

कोरोना भाईरसको प्रभावका कारण ६ महिनादेखि ठप्प सवारी साधानहरु पुर्ण रुपमा असोजदेखि मात्रै संञ्चालनमा आएका हुन्। अहिले ५० प्रतिशत यात्रु बोक्ने अनुमतीमा सर्वाजनिक सवारी सञ्चालनमा आएका हुन्। 

दशैंको वेला हुने भिडभाडलाई मध्यनजर गरी स्थानीय प्रशासनले समेत निषेधाज्ञाको घोषण गर्छकी भन्ने आशंका कारण पनि यातायात व्यवसायीहरुमा छ। कोरोना संक्रमणको त्रासका कारण धेरै प्रदेशवासीहरु घर भित्रै बसेका छन्। विषेश गरी कोरोनाकै कारण विद्यालय, कलेजहरु बन्द भएका कारण गत वर्षको भन्दा यो वर्ष दशैंका लागि घर फर्किनेको संख्यमा कमी आउने देखिएको छ।

तर पनि काम विषेशले घर वाहिर रहेकाहरुलाई कसरी गन्तव्यस्थान सम्म पुगाउने भन्ने विषयमा भने कुनै टुङ्गो लागेको छैन्। सुन्दर सुदूरपश्चिम यातायात प्रालीका अध्यक्ष पदम सपकोटाले यात्रुको चापलाई मध्यनजर गर्दै सवारी सञ्चालन गर्ने बताए। ‘अहिले पनि ५० प्रतिशत मात्रै गाडी सञ्चालन भएका छन्। दशैँमा यात्रुको चाप बढे सवारी पनि बढाउने योजना छ।’ उनले भने। 

कैलाली र कञ्चनपुरका स्थानीय प्रशासनले भने कोरोना संक्रमणको दर अहिलेकै जस्तो भए निषेधाज्ञा र लकडाउन नहुने प्रतिक्रीया दिएका छन्।

]]>
जुम्ला आइपुगेका बेवारिस बालबालिकालाई सुर्खेत पठाइयो https://www.najiknews.com/news/3927 Thu, 01 Oct 2020 12:11:41 +0545 https://www.najiknews.com/news/3927 १७ मधु विक भनिएकी किशोरीको नाम सुनिता परियार र उनका बाबुको नाम अमर परियार खुलेको छ। ३ वर्षको बच्चा आशीष विक भनिएको बालक १७ वर्षकी सुनिता परियारको छोरा भएको खुलेको छ। त्यस्तै, १६ वर्षकी अर्की किशोरीको नाम कविता परियार रहेको खुलेको छ। नौ वर्षीय नविन विक भनिने बच्चाको नाम ललित परियार, १७ वर्षका सुनिताका भाइ भएको खुलेको छ। कविताको आमाको निधन भइसकेपछि उनका बाबाले कान्छी श्रीमती ल्याएका र शारिरिक तथा मानसिक हिंसामा पारेका कारण उनी कामको खोजीमा जुम्ला आएको बुझिएको छ। जुम्ला : जुम्ला आइपुगेका चारजना बेसहारा बालबालिकालाई पुनर्स्थापनाका लागि सुर्खेत पठाइएको छ।  महिलाहरूका लागि अल्पकालिन आश्रयका लागि सेवा केन्द्र, प्रशासन, प्रहरी, चन्दननाथ नगरपालिका र जिल्ला समन्वय समिति सरोकारवालाहरूको सहयोगमा उनिहरूलाई सुर्खेत पठाइएको हो।

जुम्लामा बसेका उनीहरूको पहिचान खुलेपछि गाँसबास र अध्ययनका लागि समन्वय गरी प्रहरीको साथमा सुर्खेत पठाइएको जिल्ला प्रहरी कार्यालयका प्रहरी नायव उपरीक्षक माधव प्रसाद काफ्लेले बताए। महिलाहरूका लागि अल्पकालिन आश्रयका लागि सेवा केन्द्र जुम्लाका अध्यक्ष भगवति श्रेष्ठका अनुसार उनीहरूले शुरूमा नाम पनि फरक दिएका थिए। अहिले वास्तविक ठेगाना पहिचान भएको छ।

१७ मधु विक भनिएकी किशोरीको नाम सुनिता परियार र उनका बाबुको नाम अमर परियार खुलेको छ। ३ वर्षको बच्चा आशीष विक भनिएको बालक १७ वर्षकी सुनिता परियारको छोरा भएको खुलेको छ। त्यस्तै, १६ वर्षकी अर्की किशोरीको नाम कविता परियार रहेको खुलेको छ। नौ वर्षीय नविन विक भनिने बच्चाको नाम ललित परियार, १७ वर्षका सुनिताका भाइ भएको खुलेको छ। कविताको आमाको निधन भइसकेपछि उनका बाबाले कान्छी श्रीमती ल्याएका र शारिरिक तथा मानसिक हिंसामा पारेका कारण उनी कामको खोजीमा जुम्ला आएको बुझिएको छ।

  उनीहरूलाई बेबारिसे अवस्थामा भेटिएपछि स्थानीय प्रशासन र प्रहरी, सेवा केन्द्रको सहयोगमा अल्पकालिन आश्रयका लागि सेवा केन्द्रमा राखिएको थियो। त्यस्तै जिल्ला समन्वय समितिका उपप्रमुख कार्मा बुढा, जिल्ला प्रहरी कार्यालय प्रमुख माधव काफ्ले,चन्दननाथ नगरपालिकाका निमित्त प्रमुख प्रशासकीय अधिकृत खडानन्द चौलागाई, आश्रय केन्द्रका अध्यक्ष श्रेष्ठ सहितको टोलीले प्रहरीको साथमा सुर्खेत पठाएको छ। सुर्खेतमा कोपिला भ्याली र मानवसेवा आश्रममा तत्कालिन पुनस्थापनाका लागि कुरा भएको अध्यक्ष श्रेष्ठले बताइन। 

]]>
आईपीएल : राजस्थानमाथि कोलकाताको शानदार जित https://www.najiknews.com/news/3926 Thu, 01 Oct 2020 12:03:58 +0545 https://www.najiknews.com/news/3926 यसअघि टस हारेर पहिले ब्याटिङ गरेको कोलकाताले २० ओभरमा ६ विकेट गुमाएर १ सय ७४ रन बनाएको थियो। कोलकाताका लागि शुबमन गिलले ४७ रन र आन्द्रे रसेलले २४ रन जोडे। नितेश रानाले २२, सुनिल नारिनले १५ रन बनाए भने इयान मोर्गनले अविजित रहदै ३४ रन बनाएका थिए तर पाट कुमिन्सले १२ रन बनाएर आउट भए। काठमाडौं : युएईमा जारी इन्डियन प्रिमियर लिग (आईपीएल) टी-ट्वान्टी क्रिकेटमा कोलकाता नाइट राइडर्सले दोस्रो जित निकालेको छ। बुधबार राति भएको खेलमा राजस्थान रोयल्सलाई ३७ रनले पराजित गर्दै कोलकाता विजयी भएको हो।

दुबई अन्तर्राष्ट्रिय क्रिकेट स्टेडियममा कोलकाताले दिएको १ सय ७५ रनको लक्ष्य पछ्याएको राजस्थानले २० ओभरमा ९ विकेट गुमाएर १ सय ३७ रन मात्र बनाउन सक्यो। राजस्थानको यो पहिलो हार हो।

राजस्थानका टम करनले ५४ रनको अर्धशतकीय इनिङ्स खेलेपनि टोलीले जित्न सकेन। खेलमा जोस बटलरले २१ रन र राहुल टेवाटियाले १४ रन बनाए। अरु ब्याट्सम्यानहरु दोहोरो अंकको रन जोड्न असफल भएका थिए।

कोलकाताका कमलेस नगरकोटी, वरुण चक्रवर्ती र शिवम माभीले २/२ विकेट लिए। खेलमा कोलकाताको कसिलो बलिङसामु राजस्थान निरीह देखियो।

यसअघि टस हारेर पहिले ब्याटिङ गरेको कोलकाताले २० ओभरमा ६ विकेट गुमाएर १ सय ७४ रन बनाएको थियो। कोलकाताका लागि शुबमन गिलले ४७ रन र आन्द्रे रसेलले २४ रन जोडे। नितेश रानाले २२, सुनिल नारिनले १५ रन बनाए भने इयान मोर्गनले अविजित रहदै ३४ रन बनाएका थिए तर पाट कुमिन्सले १२ रन बनाएर आउट भए।

राजस्थानका जोफ्रा आर्चरले २ विकेट, जयदेव उनाकड, अंकित राजपुत, टम करन र राहुल टेवाटियाले एक/एक विकेट लिए। जितसँगै कोलकाता लिगको दोस्रो स्थानमा उक्लिएको छ। कोलकाताले चौथो खेल शनिबारनै दिल्ली क्यापिटल्ससँग खेल्ने छ।

 

]]>
दृढ इच्छाशक्तिका साथ जैविक विविधता संरक्षण गर्नुपर्छ : प्रधानमन्त्री ओली https://www.najiknews.com/news/3925 Thu, 01 Oct 2020 11:54:17 +0545 https://www.najiknews.com/news/3925 लक्षित वर्ष सन् २०२२ अगावै नेपालमा बाघको संख्या झण्डै दोब्बरले वृद्धि हुने प्रक्षेपण गर्दै उनले नेपालको पर्वतीय पारिस्थितिक प्रणाली विशिष्ट प्रयोगशाला भएको बताए । उनले भने, ‘खोजकर्ता, सोधकर्ता तथा वैज्ञानिकहरूका लागि यो ज्ञानको वास्तविक स्रोत पनि हो, मानवमात्रको हितका लागि पर्वतीय पारिस्थितिक प्रणाली महत्वपूर्ण साझा निधिका रूपमा रहेको छ । यसको लाभ हाम्रो सीमापारिसम्म पुगेको छ ।’ काठमाडौं : प्रधानमन्त्री केपी शर्मा ओलीले जैविक विविधता संरक्षण गर्न दृढ राजनीतिक इच्छाशक्तिका साथ काम गर्नुपर्ने बताएका छन् । संयुक्त राष्ट्रसंघको ७५ औं महासभाको अवसरमा ‘दिगो विकासका लागि जैविक विविधतासम्बन्धी अविलम्ब गर्नुपर्ने कार्य’ विषयमा आज न्युयोर्कमा भएको जैविक विविधता शिखर सम्मेलनलाई सम्बोधन गर्दै उनले सो कुरा बताएका हुन् । 

दृढ राजनीतिक इच्छाशक्तिका साथै विचार र नवप्रवर्तनको प्रवर्द्धनसहित जैविक विविधता संरक्षणको लागि दिगो लगानी सुनिश्चित गर्नु आवश्यक भएकोमा प्रधानमन्त्री ओलीले जोड दिए ।

जलवायुसम्बन्धी प्रतिकार्य अविलम्ब कार्यन्वयन गर्नु सबैको नैतिक दायित्व भएको स्मरण गराउँदै प्रधानमन्त्री ओलीले अन्तर्राष्ट्रियस्तरमा सहमति भएका विकासका खाकाहरू र वातावरणसम्बन्धी बहुपक्षीय सम्झौताहरूअन्तर्गत गरिने प्रयासबीच सामञ्जस्य कायम गर्न जरुरी भएको बताए । ‘जैविक विविधता संरक्षण त्यस्तो कार्य हो जसमा राष्ट्रिय तथा अन्तर्राष्ट्रिय सबै सरोकारवालाहरूको प्रतिबद्धता र कार्यान्वयन आवश्यक हुन्छ । मानिसको स्रोतमाथिको अधिकार तथा प्राकृतिक स्रोतको दिगो संरक्षणबीच समुचित सन्तुलन कायम गर्दै हामीले अझ महत्वकांक्षी लक्ष्यहरू निर्धारण गर्नुपर्छ’, उनले भने ।

प्रकृतिसँग सामञ्जस्य कामय गरेर जीवनयापन गर्नु नेपाली संस्कृतिको अभिन्न अंग भएको यथार्थ सुनाउँदै प्रधानमन्त्री ओलीले जैविक विविधतासम्बन्धी अमूल्य ज्ञान प्राचीनकालदेखि नै हाम्रा ऋषिमुनिहरूले नयाँ पुस्तालाई हस्तान्तरण गरेका तथा त्यसको संरक्षणको महत्वबारे शिक्षा दिएका बताए ।

जैविक विविधता संरक्षणलाई नेपालले उच्च प्राथमिकतामा राखेको र त्यसमा वाञ्छित प्रगति पनि गरिरहेको जानकारी दिँदै उनले त्यसको संरक्षण ‘समृद्ध नेपाल, सुखी नेपाली’ निर्माण गर्ने राष्ट्रिय आकांक्षाको महत्वपूर्ण आयामको रुपमा रहेको बताए ।

नेपालको २३ प्रतिशत भूभाग संरक्षित क्षेत्रको रुपमा रहेको तथा नेपालले जैविक विविधता संरक्षणको ११ औँ लक्ष्य हासिल गरिसकेको जानकारी दिँदै प्रधानमन्त्री ओलीले सन् २०३० सम्ममा संरक्षित भूभाग ३० प्रतिशत पुर्याउने योजना रहेको सुनाए ।

जलविद्युतबाट उपलब्ध हुने स्वच्छ उर्जाले जैविक विविधतामा पर्ने दबाबलाई कम गरेको, कानूनको सबल कार्यान्वयन र अन्तर्राष्ट्रियस्तरमा सहयोगको अभिवृद्धिबाट नेपालले झण्डै एकदशक यता गैंडाको शिकारलाई शून्यमा सीमित गरेको जानकारी पनि प्रधानमन्त्रीले दिए ।

लक्षित वर्ष सन् २०२२ अगावै नेपालमा बाघको संख्या झण्डै दोब्बरले वृद्धि हुने प्रक्षेपण गर्दै उनले नेपालको पर्वतीय पारिस्थितिक प्रणाली विशिष्ट प्रयोगशाला भएको बताए । उनले भने, ‘खोजकर्ता, सोधकर्ता तथा वैज्ञानिकहरूका लागि यो ज्ञानको वास्तविक स्रोत पनि हो, मानवमात्रको हितका लागि पर्वतीय पारिस्थितिक प्रणाली महत्वपूर्ण साझा निधिका रूपमा रहेको छ । यसको लाभ हाम्रो सीमापारिसम्म पुगेको छ ।’

उनले जैविक विविधता शिखर सम्मेलन आयोजना गरेकामा संयुक्त राष्ट्रसंघका महासचिव एण्टोनियो गुटरेसप्रति आभार प्रकट गरे ।

]]>
बझाङमा २५ किलो चरेससहित दुई जना पक्राउ https://www.najiknews.com/news/3924 Thu, 01 Oct 2020 11:36:29 +0545 https://www.najiknews.com/news/3924 सुदूरपश्चिम प्रहरी अनुसन्धान समूहबाट प्रहरी नायव निरीक्षक केशव जोशीको कमाण्डमा खटिएको टोलीले विशेष सुराकीको आधारमा प्लाष्टिकमा बेरेर कपडाको भारी बोक्ने बनाई चरेस बोकेर बुङ्गलबाट वित्थडतर्फ गइरहेको अवस्थामा उनीहरुलाई नियन्त्रणमा लिएको हो। प्रहरीले २५ किलो चरेससहित बझाङका दुई जनालाई पक्राउ गरेको छ। जिल्लाको वित्थडचिर गाउँपालिका २ लिम भन्ने स्थानमा लुकाईछिपाई राखेको अवस्थामा प्रहरीले २५ किलो चरेससहित  बुङ्गल नगरपालिका २ का २५ वर्षीय धनबहादुर धामी  र सोही वडाका २८ वर्षीय धनबहादुर धामीलाई पक्राउ गरेको हो। 

सुदूरपश्चिम प्रहरी अनुसन्धान समूहबाट प्रहरी नायव निरीक्षक केशव जोशीको कमाण्डमा खटिएको टोलीले विशेष सुराकीको आधारमा प्लाष्टिकमा बेरेर कपडाको भारी बोक्ने बनाई चरेस बोकेर बुङ्गलबाट वित्थडतर्फ गइरहेको अवस्थामा उनीहरुलाई नियन्त्रणमा लिएको हो।

चरेससहित पक्राउ परेका दुबैजनालाई अहिले प्रहरी चौकी वित्थडचिरमा राखिएको छ। उनीहरुमाथी थप अनुसन्धान भइरहेको प्रहरीले जनाएको छ।

]]>
बलि दिन भारततर्फ लैजाँदै गरिएका दुई किशोरीको सीमा क्षेत्रबाट उद्धार https://www.najiknews.com/news/3923 Thu, 01 Oct 2020 11:27:28 +0545 https://www.najiknews.com/news/3923 सीमापारी नजिकैको भारतीय बजार भीमनगरमा रहेको मन्दिरमा पूजाका लागि भनेर ल्याइएको युवतीले प्रहरी समक्ष बताएका छन् । भारततर्फ लैजानु पूर्व उनीहरुको उचाइसमेत नापिएको थियो । त्यसैगरी हातको रेखासमेत हेरी पूजाका लागि योग्य भनी ठहर गरिएको थियो । इनरुवा : सुनसरीको कोशी गाउँपालिका–८ भण्टाबारीस्थित नेपाल-भारतको सीमाबाट दुई किशोरीलाई प्रहरीले उद्धार गरेको छ । बलि दिन भारततर्फ लैजाँदै गर्दा सप्तरी घर भएका ती दुई किशोरीलाई सुनसरीको भाण्टाबारी नाकाबाट बुधबार उद्धार गरिएको सुनसरीका प्रहरी नायव उपरीक्षक नरेन्द्रकुमार कार्कीले जानकारी दिए । नेपाल र भारत तर्फका संयुक्त सुरक्षाकर्मीको टोलीले सीमा क्षेत्रबाट किशोरीको उद्धार गरेको नायव उपरीक्षक कार्कीले बताए ।

शङ्का लागेर सोधखोज गर्ने क्रममा किशोरीसँगै रहेका २ पुरुषलाई अनुसन्धानका लागि नियन्त्रणमा लिएको प्रहरीले जनाएको छ । उद्दार गरिएकामा १९ र २२ वर्षकी दुई किशोरी रहेका छन् । भारततर्फ लैजाने कार्यमा संलग्न रहेको सप्तरी कृष्ण सवरन गाउँपालिका–४ बनौलीका २९ वर्षीय महम्मद साहिल मन्सुरी र सिरहा लाहान नगरपालिका–१९ कटाहका २९ वर्षीय जीवछकुमार साहलाई नियन्त्रणमा लिएको नायव उपरीक्षक कार्कीले बताए ।

नियन्त्रणमा लिएका एकले आफू किशोरीको आफन्त रहेको प्रहरी समक्ष बयान दिएका छन् । नाताले भिनाजु पर्ने व्यक्तिले सालीलाई पूजाका लागि भारत लैजाने सहमति अनुरुप आफू सुरक्षाका लागि सँगै आएको भनी उनले प्रहरी समक्ष बयान दिएको प्रहरीले जनाएको छ ।

सीमापारी नजिकैको भारतीय बजार भीमनगरमा रहेको मन्दिरमा पूजाका लागि भनेर ल्याइएको युवतीले प्रहरी समक्ष बताएका छन् । भारततर्फ लैजानु पूर्व उनीहरुको उचाइसमेत नापिएको थियो । त्यसैगरी हातको रेखासमेत हेरी पूजाका लागि योग्य भनी ठहर गरिएको थियो ।

सीमापारी नजिकै रहेको कुनै एक मन्दिरमा साँझको बेला आयोजना हुने पूजाबेला ध्यानमा बसेवापत रु दुई लाख रकम दिने भनिएको थियो । चौधरी थर भएका युवतीहरु निकै सोझा रहेको प्रहरीले जनाएको छ । घटनाको विषयमा थप अनुसन्धान भइरहेको प्रहरी नायव उपरीक्षक कार्कीले बताए ।

]]>
रौतहटका कोरोना संक्रमितको वीरगञ्जमा मृत्यु https://www.najiknews.com/news/3922 Thu, 01 Oct 2020 11:10:35 +0545 https://www.najiknews.com/news/3922 नेशनल मेडिकल कलेजले सञ्चालन गरेको अस्थायी कोरोना अस्पताल (बाबा होटल आइसोलेसन)मा उपचारको क्रममा आज बिहान ८ः२५ मा मृत्यु भएको मेडिकल कलेजका कोभिड फोकल पर्सन डाक्टर असरफ हुसैनले जानकारी दिए । वीरगञ्ज : रौतहटका एकजना कोरोना संक्रमितको वीरगञ्जमा मृत्यु भएको छ । रौतहटको ईशनाथ नगरपालिका–४ बस्ने ७४ वर्षीय पुरुषको आज विहान मृत्यु भएको हो ।

नेशनल मेडिकल कलेजले सञ्चालन गरेको अस्थायी कोरोना अस्पताल (बाबा होटल आइसोलेसन)मा उपचारको क्रममा आज बिहान ८ः२५ मा मृत्यु भएको मेडिकल कलेजका कोभिड फोकल पर्सन डाक्टर असरफ हुसैनले जानकारी दिए । 

विरामीको मुटुको गति पनि अस्थिर थियो, कोभिड संक्रमणका कारण शरीरमा अक्सिजन मेन्टेन भइरहेको थिएन, भर्ना भएदेखि नै हाई फ्लोमा अक्सिजन दिएर आईसियुमा राखेका थियौं,’ डाक्टर हुसैनले भने, ‘बिहान तीन बजेदेखि अवस्था गम्भिर बन्यो । भेन्टिलेटरमा राखेर इमर्जेन्सी अवस्थामा अपनाउनुपर्ने सबै उपाय अपनायौं । तर बचाउन सकिएन ।’ डाक्टर हुसैनका अनुसार उनी मुटु रोगीसमेत थिए ।

असोज ९ गते कोरोना संक्रमण पुष्टि भएपछि उनलाई कोरोना अस्पतालमा उपचारका लागि लगिएको थियो । विरामी भएर नारायणी अस्पतालमा उपचारका लागि भर्ना भएका उनको आसोज ८ गते पीसीआरका लागि स्वाब नमुना संकलन गरिएको थियो ।

]]>
कञ्चनपुरमा दुई बैंक बन्द https://www.najiknews.com/news/3921 Thu, 01 Oct 2020 11:01:30 +0545 https://www.najiknews.com/news/3921 उनका अनुसार कोरोनाको सङ्क्रमण पुष्टि भएका कर्मचारीको अवस्था सामान्य छ। कोरोनाको सङ्क्रमण देखिएका कर्मचारीको सम्पर्कमा आएका अन्य कर्मचारी क्वारेन्टिानमा छन्। कर्मचारीमा कोरोना सङ्क्रमण पुष्टि भएपछि कञ्चरपुरको बेलौरी नगरपालिका–४ बेलौरी बजारका  दुई बैंकका शाखा आजदेखि एक साताका लागि बन्द भएका छन्। यहाँका बैंक अफ काठमाडौँ र राष्ट्रिय बाणिज्य बैंक श्रीपुर शाखा बन्द भएका हुन्। 

सेती प्रादेशिक अस्पतालको प्रयोगशालामा गरिएको परीक्षणमा बैंक अफ काठमाडौँमा कार्यरत कर्मचारीमा कोरोनाको सङ्क्रमण पुष्टि भएपछि सो बैंकसँगै रहेको राष्ट्रिय बाणिज्य बैंक बन्द गरिएको हो। 

कोरोना सङ्क्रमण पुष्टि भएका कर्मचारीको सम्पर्कमा रहेका अन्य कर्मचारीको पिसिआर जाँच गरी नतिजा नआउँदासम्म बैंकका शाखाको कामकाज बन्द गरिएको नगरपालिकाको वडा नम्बर ४ का वडा अध्यक्ष अर्जुन ढकालले जानकारी दिए।

बैंक अफ काठमाडौँका कर्मचारी काठमाडौँबाट फर्केपछि उनीमा ज्वरो देखियो वडा अध्यक्ष ढकालले भने, “पिसिआर चेकजाँच गर्दा नतिजा पोजेटिभ आएपछि अन्य कर्मचारीको पिसिआर चेकजाँच गरी नतिजा नआउँदासम्म शाखा बन्द गर्न आग्रह गरेपछि बन्द गरिएका छन्।”

उनका अनुसार कोरोनाको सङ्क्रमण पुष्टि भएका कर्मचारीको अवस्था सामान्य छ। कोरोनाको सङ्क्रमण देखिएका कर्मचारीको सम्पर्कमा आएका अन्य कर्मचारी क्वारेन्टिानमा छन्। 

राष्ट्रिय बाणिज्य बैंक श्रीपुर शाखाका प्रवन्धक महेशराज भट्टले सूचना जारी गर्दै बैंकमा कार्यरत कर्मचारीको पिसिआर चेकजाँच गरी नतिजा नेगेटिभ नआउँदासम्मका लागि लागि बैंकको शाखा बन्द हुने बताएका छन्। सेवाग्राहीका लागि एटिएम सेवा भने खुला रहने उल्लेख गरिएको छ।

]]>
सुदूरपश्चिममा झण्डै १२ सय संक्रिय संक्रमित,६ हजार बढीले कोरोना जिते https://www.najiknews.com/news/3920 Thu, 01 Oct 2020 10:53:13 +0545 https://www.najiknews.com/news/3920 निर्देशनालयका अनुसार डोटीमा एक सय ३४, बझाङमा एक सय ११, अछाममा एक सय, बैतडी ८५, कंचनपुरमा ६३, दार्चुलामा ३० र डडेल्धुरामा १२ जना कोरोनाका संक्रिय संक्रमित रहेका छन् भने बाजुरा जिल्लामा कोरोनाका संक्रिय संक्रमित शून्य रहेको छ। सुदूरपश्चिम प्रदेशमा कोरोना भाईरसका संक्रिय संक्रमित एक हजार दुई सय नजिक पुगेको छ। स्वास्थ्य निर्देशनालय डोटीका अनुसार सुदूरपश्चिम प्रदेशमा कोरोनाका संक्रिय संक्रमित एक हजार एक सय ९३ पुगेको हो। ९ जिल्ला रहेको सुदूरपश्चिमको कैलाली जिल्लामा संक्रिय संक्रमितको संख्या ६ सय ५७ रहेको छ। 

निर्देशनालयका अनुसार डोटीमा एक सय ३४, बझाङमा एक सय ११, अछाममा एक सय, बैतडी ८५, कंचनपुरमा ६३, दार्चुलामा ३० र डडेल्धुरामा १२ जना कोरोनाका संक्रिय संक्रमित रहेका छन् भने बाजुरा जिल्लामा कोरोनाका संक्रिय संक्रमित शून्य रहेको छ। 

६ हजार एक सय बढीले कोभिड–१९ जिते
सुदूरपश्चिम प्रदेशमा हालसम्म ६ हजार एक सय बढी कोभिड–१९ संक्रमित निको भएका छन्। स्वास्थ्य निर्देशनालय डोटीका अनुसार हालसम्म प्रदेशमा सात हजार तीन सय ४५ जनामा कोभिड–१९ पोजेटिभ आएकोमा ६ हजार एक सय ३६ जना निको भएका छन्।

प्रदेश स्वास्थ्य निर्देशनालय डोटीका अनुसार अहिलेसम्म सबैभन्दा धेरै संक्रमित रहेको कैलालीका एक हजार ८ सय ७२ जना निको भएर घर फर्किएका छन्। यस्तै अछामका नौँ सय ६९, डोटीका नौँ सय ६० र कञ्चनपुरका सात सय ४७ जना संक्रमित निको भएर घर फर्किएको दावी स्वास्थ्य निर्देशनालयले गरेको छ।

बाजुराका चार सय ५१ जना, बझाङका चार सय ३१, बैतडीका तीन सय ३१, डडेल्धुराका तीन सय २४ र दार्चुलाका ५१ जना संक्रमित पनि डिस्चार्ज भएका छन्।

चार महिनाको अवधिमा सुदूरपश्चिमका २१ जना कोरोना संक्रमितको मृत्यु भएको छ। कैलालीका नौँ, अछामका ५, बझाङका तीन, बाजुराका दुई, बैतडी र डडेल्धुराका एकरएक जना संक्रमितको मृत्यु भएको हो।

त्यसमध्ये तीन जनाले भने आत्महत्या गरेका हुन्। दुई जनामा आत्महत्या गरेपछि कोरोना पुष्टि भएको हो भने एक जनाले कोरोना लागेपछि आत्महत्या गरेका हुन्।
 

]]>
सिटी र युनाइटेड क्वाटरफाइनलमा https://www.najiknews.com/news/3919 Thu, 01 Oct 2020 09:25:33 +0545 https://www.najiknews.com/news/3919 युनाइटेडको जितमा स्कट म्याकटोमिने, जुआन माटा र पल पोग्वाले गोल गरे । ब्राइटनको मैदानमा युनाइटेडले खेलको ४४औं मिनेटमा स्कट म्याकटोमिनेलेको गोलबाट पहिलो हाफमा १–० को अग्रता लिएको थियो । ७३औं मिनेटमा जुआन माटाले डानी भान डि बिकको पासमा गोल गर्दै युनाइटेडको अग्रता दोब्बर पारे । ८०औं मिनेटमा पल पोग्वाले गोल गर्दै युनाइटेडलाई ३–० को सहज जित दिलाए । एजेन्सी – प्रिमियर लिग क्लब म्यानचेस्टर सिटी र म्यानचेस्टर युनाइटेड इंग्लिस फुटबल लिग (इएफएल) कप अर्थात कारवाओ कपको क्वाटरफाइनलमा प्रवेश गरेका छन् ।

बुधबार राति भएको खेलमा आ–आफ्नो टोलीविरुछ सफलता आत पार्दै सिटी र युनाइटेडले अन्तिम आठको यात्रा तय गरेको हो ।

इंग्लिस फरवार्ड रहिम स्ट्रलिङको दुई गोल सहयोगमा म्यानचेस्टर सिटीले बर्नलीलाई ३–० ले पराजित गर्दै कारवाओ कपको क्वाटरफाइनलमा स्थान बनाएको छ । सिटीले बर्नलीलाई उसकै मैदानमा सहज जित हात पारेको हो । सिटीको सहज जितमा थप एक गोल फेरान टोरेसले गरेका थिए ।

बुधबार राति भएको एकपक्षीयमा खेलमा सिटीले खेलको ३५औं मिनेटमा रहिम स्ट्रलिङको गोलबाट अग्रता लिएो थियो । उनले बेन्जामिन मेन्डीको पासलाई सदुपयोग गरेका थिए ।

४९औं मिनेटमा रहिमले फेरना टोरेसको पासमा गोल गर्दै सिटीको अग्रता दोब्बर पारे । ६५औं मिनेटमा फेरान टोरेसले रहिमको पासमा गोल गर्दै सिटीलाई ३–० को सहज जित दिलाए ।

यस्तै अर्काे खेलमा म्यानचेस्टर युनाइटेडले पनि ब्राइटनमाथि ३–० को सहज जित निकाल्दै क्वाटरफाइनलमा स्थान पक्का गरेको हो ।

युनाइटेडको जितमा स्कट म्याकटोमिने, जुआन माटा र पल पोग्वाले गोल गरे । ब्राइटनको मैदानमा युनाइटेडले खेलको ४४औं मिनेटमा स्कट म्याकटोमिनेलेको गोलबाट पहिलो हाफमा १–० को अग्रता लिएको थियो । ७३औं मिनेटमा जुआन माटाले डानी भान डि बिकको पासमा गोल गर्दै युनाइटेडको अग्रता दोब्बर पारे । ८०औं मिनेटमा पल पोग्वाले गोल गर्दै युनाइटेडलाई ३–० को सहज जित दिलाए ।

]]>
विश्वमा कोरोनाबाट मृत्यु हुनेको संख्या १० लाख ४ हजार https://www.najiknews.com/news/3918 Thu, 01 Oct 2020 07:47:49 +0545 https://www.najiknews.com/news/3918 पछिल्लो २४ घण्टामा ४ हजार २४० संक्रमितको मृत्यु भएको छ । सोही अवधीमा २ लाख ४२ हजार १८९ संक्रमितको पहिचान भएको छ ।  हालसम्म विश्वमा कोरोना संक्रमितको संख्या ३ करोड ३५ लाख २ हजार ४३० पुगेको छ । काठमाडौं : कोरोनाका कारण विश्वभर ज्यान गुमाउनको संख्या १० लाख ४ हजार नाघेको छ । विश्व स्वास्थ्य संगठनका अनुसार हालसम्म विश्वमा कोरोनाका कारण मृत्यु हुनेको संख्या १० लाख ४ हजार ४२१ पुगेको छ । 

पछिल्लो २४ घण्टामा ४ हजार २४० संक्रमितको मृत्यु भएको छ । सोही अवधीमा २ लाख ४२ हजार १८९ संक्रमितको पहिचान भएको छ ।  हालसम्म विश्वमा कोरोना संक्रमितको संख्या ३ करोड ३५ लाख २ हजार ४३० पुगेको छ । 

]]>
२४ घण्टामा विश्वमा कोरोनाले ४ हजार २४० को मृत्यु https://www.najiknews.com/news/3917 Thu, 01 Oct 2020 07:46:15 +0545 https://www.najiknews.com/news/3917 विश्व स्वास्थ्य संगठनका अनुसार २१६ देशमा फैलिएको कोरोनाका कारण हालसम्म १० लाख ४ हजार ४२१ संक्रमितको मृत्यु भइसकेको छ । संक्रमितको संख्या ३ करोड ३५ लाख २ हजार ४३० पुगेको छ । काठमाडौं : पछिल्लो २४ घण्टामा विश्वमा ४ हजार २४० कोरोना संक्रमितको ज्यान गएको छ । विश्व स्वास्थ्य संगठनका अनुसार २१६ देशमा फैलिएको कोरोनाका कारण हालसम्म १० लाख ४ हजार ४२१ संक्रमितको मृत्यु भइसकेको छ । संक्रमितको संख्या ३ करोड ३५ लाख २ हजार ४३० पुगेको छ । 

]]>
डर्टमुन्डलाई हराउदै बायर्न सुपर कप च्याम्यियन https://www.najiknews.com/news/3916 Thu, 01 Oct 2020 07:33:02 +0545 https://www.najiknews.com/news/3916 बुधबार राति भएको खेलमा डर्टमुन्डलाई ३–२ ले पराजित गर्दै उपाधि जितेको हो । एलिएन्ज एरिनाको बायर्नको जितमा कोरेन्टिन टोलिसो, थोमस मुलर र जोसुवा किम्मिचले गोल गरे । डर्टमुन्डका जुलियन ब्रान्ड र एर्लिङ ब्राउट हालान्डले गोल गरेपनि हार टार्न सकेन । एजेन्सी – जर्मन बुन्डेसलिगाको निकटतम प्रतिद्धन्द्धी बोरुसिया डर्टमुन्डलाई पराजित गर्दै जर्मन महारथी बायर्न म्युनिखले जर्मन सुपर कपको उपाधि जितेको छ ।

बुधबार राति भएको खेलमा डर्टमुन्डलाई ३–२ ले पराजित गर्दै उपाधि जितेको हो । एलिएन्ज एरिनाको बायर्नको जितमा कोरेन्टिन टोलिसो, थोमस मुलर र जोसुवा किम्मिचले गोल गरे । डर्टमुन्डका जुलियन ब्रान्ड र एर्लिङ ब्राउट हालान्डले गोल गरेपनि हार टार्न सकेन ।

बायर्नको यो सिजनको दोस्रो उपाधि हो । यसअघि बायर्नले दुई साताअघि स्पेनिस क्लब सेभियालाई २–१ ले पराजित गर्दै युइएफए सुपर कपको उपाधि जितेको थियो ।

प्रतिस्पर्धात्मक बनेको खेलमा बायर्नले घरेलु मैदानमा खेलको १८औं मिनेटमा कोरेन्टिन टोलिसोको गोलबाट अग्रता लिएको थियो । उनले काउन्टर अट्याकमा अलफन्सो डाभिसबाट किङ्सले कोमान, थोमस मुलर र रोबर्ट लेवान्डोस्की हुदै आएको पासलाई दोस्रो प्रयासमा गोल गरेका थिए ।

उनको पहिलो प्रयास गोलरक्षक मार्विन हिट्जले बचाउदै क्रसबारमा लाग्दै फर्किएको बललाई जाली चुमाएका थिए । २२औं मिनेटमा जोसुवा किम्मिच चुक्दा बायर्न अग्रता दोब्बर पार्नबाट चुक्यो ।
३२औं मिनेटमा थोमस मुलरले गोल गर्दै बायर्नको अग्रता दोब्बर पारे । उनले अलफन्सो डाभिसको क्रस पासमा हेडरमार्फत गोल गर्न सफल भएका थिए ।

३९औं मिनेटमा जुलियन ब्रान्डले गोल गर्दै खेललाई २–१ को अवस्थामा ल्याए । एर्लिङ ब्राउट हालान्डको पासमा ब्रान्डले उत्कृष्ट फिनिस गर्दा बायर्नका गोलरक्षक म्यानुयल नोयरले रोक्ने कुनै मौका नै पाएन ।

५५औं मिनेटमा हालान्डले गोल गर्दै खेललाई २–२ गोलको बराबरीमा ल्याए । थोमस डिलानेको चलाखीपुर्ण पासमा हालान्डले वान भर्सेस वानको अवस्थामा नोयरलाई बिट गर्दै गोल गरेका थिए । ५९औं मिनेटमा हालान्डले गोलको अवसर चुकाउदा डर्टमुन्ड अग्रता लिनबाट चुक्यो । ८२औं मिनेटमा किम्मिचले गोल गर्दै बायर्नलाई ३–२ को अग्रता दिलाए ।

उनले लेवान्डोस्की र किम्मिचको उत्कृष्ट तालमेलमा किम्मिचले दोस्रो प्रयासमा गोल गर्न सफल भएका थिए । पहिलो प्रहारलाई गोलरक्षक मार्विन हिट्जले बचाएपनि उनले आफु लडेकै अवस्थामा गोल गर्न पुगेका थिए । त्यसपछि थप गोल निस्कन नसक्दा बायर्न ३–२ ले विजयी हुदै च्याम्पियन बन्न सफल भयो ।

]]>
भिनियिसको गोलको रियलको कठिन जित https://www.najiknews.com/news/3915 Thu, 01 Oct 2020 07:28:58 +0545 https://www.najiknews.com/news/3915 खेलको १०औं मिनेटमा मार्सेलोको प्रहारलाई भालाडोलिडका डिफेन्डरले ब्लक गरेपनि रिवाउन्डमा फेडरिको भाल्भर्डेको प्रहारलाई गोलरक्षक राबेर्टाेले उत्कृष्ट बचाउ गर्दा घरेलु टोली रियल अग्रता लिनबाट चुकेको थियो । सब्सिच्युट ब्राजिली खेलाडी भिनिसियसको निर्णायक गोलमा साविकको विजेता रियल म्याड्रिडले स्पेनिस ला लिगामा रियल भालाडोलिडमाथि कठिन जित निकालेको छ ।

घरेलु मैदानमा रियलले भालाडोलिडमाथि १–० को संघर्षपुर्ण जित हात पारेको हो । अल्फ्रेडो डि स्टेफानोमा बल पोेजेसनमा बलियो पकड बनाएपनि रियलले गोलको लागि निकै संघर्ष गर्नुपरेको थियो ।

भिनिसियसले मैदान छिरेको आठ मिनेटमा गोल गर्दै रियललाई अग्रता दिलाएका थिए । अग्रपङ्तिमा करिम बेन्जेमा र लुका जोभिक रहेपनि उनीहरु गोल गर्न असमर्थ रहे । खेलको १०औं मिनेटमा मार्सेलोको प्रहारलाई भालाडोलिडका डिफेन्डरले ब्लक गरेपनि रिवाउन्डमा फेडरिको भाल्भर्डेको प्रहारलाई गोलरक्षक राबेर्टाेले उत्कृष्ट बचाउ गर्दा घरेलु टोली रियल अग्रता लिनबाट चुकेको थियो ।

१७औं मिनेटमा भाल्भेर्डेको क्रसमा लुका जोभिकले नियन्त्रणमा लिन नसक्दौ गरेको प्रहार पोस्टबाट थोरै बाहिरिदा रियलले अग्रता लिन सकेन । ३५औं मिनेटमा लुका जोभिकले सुवर्ण अवसर पाएपनि उनको प्रहारले पोस्टको दिशा लिन सकेन ।

४८औं मिनेटमा जोभिक पुन चुक्दा रियलले पनि अग्रता लिन सकेन । कर्नरबाट आएको बललाई जोभिकको हेडरलाई गोलरक्षक रोबर्टाेले उत्कृष्ट बचाउ गरे । त्यसकै रिवाउन्डमा क्यासमिरोको प्रहार क्रसबारमा लाग्दै बाहिरियो । ५४औं मिनेटमा वेइसमानको प्रहारलाई रियलका गोलरक्षक थिवाउट कोर्टुले उत्कृष्ट बचाउ गर्दै भालाडोलिडको अग्रता टारे ।

५७औं मिनेटमा रियलले एकपटक तीन खेलाडी परिवर्तन गरेपछि रियलले खेलमा थप पकड बनाएको थियो । रियलले अल्भारो ओर्डिजोला, इस्को र लुका जोभिकलाई परिवर्तन गर्दै उनीहरुको स्थानमा ड्यानिल कार्भाजल मार्काे एसेन्सियो र भिनिसियस जुनियरलाई मैद्यान छिराएका थिए ।

भिनिसियले मैदान छिरेको ८ मिनेटभित्र नै गोल गर्दै रियललाई १–० को अग्रता दिलाए । हुलमुलमा आफैले विपक्षी खेलाडीबाट खोसेको बललाई फेडरिकोले प्रहार गर्न खोज्दा विपक्षी खेलाडीबाट आएको पासमा उनले ६५औं मिनेटमा कुल फिनिस गरेका थिए । ६९औं मिनेटमा कोर्टुवाले टाइट एंग्लबाट भालाडोलिडको प्रहारलाई पञ्च गर्दै बचाए ।

७३औं मिनेटमा वाल्डो रुवियोको ३० यार्ड टाढाको प्रहारलाई कोर्टुवाले पञ्च गर्दै बराबरी टारे । ७७औं मिनेटमा रिउल अग्रता दोब्बर पार्नबाट चुक्यो । बेन्जेमाले अघि बढाउदै भिनिसियसलाई दिएको पासमा भिनिसियसले प्रहार गर्न ढिला गर्दा डिफेन्डरलाई लाग्दै बाहिरिएको थियो । इन्ज्युरी सयममा भिनिसियस जुनियरले सुन्दर अवसर पाएपनि उनको चिप प्रहारलाई रोबर्टाेले सहजै नियन्त्रणमा लिए ।

जितसँगै अपराजित रहेको रियलको ३ खेलबाट ७ अंक पुगेको छ । समान ७ अंक रहेपनि गेटाफे र भ्यालेन्सिया गोलअन्तरमा पहिलो र दोस्रो स्थानमा रहेको छ । भिल्लारियल गोल अन्तमार चौथो स्थानमा छ । पराजित भालाडोलिड २ अंकसहित १८औं स्थानमा छ ।

अन्य नतिजा

एसडी हुएस्काविरुद्ध एट्लेटिको म्याड्रिड (०–०), भिल्लारियलविरुद्ध डिपोर्टिभो एलाभेस (–१), एइवरविरुद्ध इल्चे (०–)

]]>
मुम्बईको चेम्बुर रेल स्टेशन नजिकको बजारमा आगलागी https://www.najiknews.com/news/3914 Thu, 01 Oct 2020 07:26:45 +0545 https://www.najiknews.com/news/3914 आगलागीको कारण र आगोले पु¥याएको क्षतिको विवरण खुलेको छैन । घटनास्थलमा अग्निनियन्त्रकको टोली खटिएको छ । यसअघि सन् २०१८ मा पनि चेम्बुरको एक हाउजिङमा आगलागी हुँदा ५ जनाको मृत्यु भएको थियो । काठमाडौं : मुम्बईको चेम्बुर रेलवे स्टेशन नजिकको एक बजारमा आगलागी भएको छ । आगलागीका कारण स्थानीय त्रसित भएको भारतीय मिडियाहरुले उल्लेख गरेका छन् । 

आगलागीको कारण र आगोले पु¥याएको क्षतिको विवरण खुलेको छैन । घटनास्थलमा अग्निनियन्त्रकको टोली खटिएको छ । यसअघि सन् २०१८ मा पनि चेम्बुरको एक हाउजिङमा आगलागी हुँदा ५ जनाको मृत्यु भएको थियो ।

]]>
भारतमा कोरोनाबाट मृत्यु हुनेको संख्या ९७ हजार नाघ्यो https://www.najiknews.com/news/3913 Thu, 01 Oct 2020 07:24:26 +0545 https://www.najiknews.com/news/3913 भारत कोरोना संक्रमित सबैभन्दा धेरै हुने देशको सूचीमा दोस्रो स्थानमा छ । भारतमा रेल्वे सेवा सञ्चालनमा आएसँगै कोरोना संक्रमण तीव्र गतिमा समुदाय स्तरमा फैलिरहेको छ । भारतमा सिनेमा हलबाहेक प्रायः सबै पेशा, व्यवसाय तथा क्षेत्र पूर्ववत अवस्थामा सञ्चालनमा छन् । काठमाडौं : भारतमा कोरोना संक्रमणले मृत्यु हुनेको संख्या ९७ हजार ४९७ पुगेको छ । पछिल्लो २४ घण्टामा भारतमा १ हजार १७९ कोरोना संक्रमितको मृत्यु भएको विश्व स्वास्थ्य संगठनको तथ्यांकमा उल्लेख छ ।  भारतमा पछिल्लो २४ घण्टामा ८० हजार ४७२ कोरोना संक्रमित थपिएका छन् । भारतमा कोरोना संक्रमितको संख्या ६२ लाख २५ हजार ७६३ पुगेको विश्व स्वास्थ्य संगठनको तथ्यांकमा उल्लेख छ ।  

भारत कोरोना संक्रमित सबैभन्दा धेरै हुने देशको सूचीमा दोस्रो स्थानमा छ । भारतमा रेल्वे सेवा सञ्चालनमा आएसँगै कोरोना संक्रमण तीव्र गतिमा समुदाय स्तरमा फैलिरहेको छ । भारतमा सिनेमा हलबाहेक प्रायः सबै पेशा, व्यवसाय तथा क्षेत्र पूर्ववत अवस्थामा सञ्चालनमा छन् । 

]]>
बाजुरा जिपबाट खसेर घाईते भएका बुढाको डोटीमा मृत्यु https://www.najiknews.com/news/3912 Thu, 01 Oct 2020 07:18:34 +0545 https://www.najiknews.com/news/3912 बडीमालिका नगरपालिका–६ जडाङ्गाबाट मार्तडी आउदै गरेको से १ ज ११४७ नम्वरको जीपमा बसेका बुढा पछाडिबाट खसेर घाइते भएका हुन् । घाइते भएका बुढाको जिल्ला अस्पताल बाजुराका उपचार हुन नसकी थप उपचारका लागि धनगढी रिफर गरिएको थियो । धनगढी लिँदै गर्दा बीचमै मृत्यु भएको हो । बाजुरा : जीपबाट खसेर घाइते भएका त्रिवेणी नगरपालिका–५ तोलीका ३५ वर्षीय करे बुढाको मृत्यु भएको छ । उपचारका लागि धनगढी लैजादै गर्दा डोटी जिल्ला सदरमुकाम सिलगढी नपुग्दै बीच बाटोमा मृत्यु भएको प्रहरीले बताएको छ । बुढा साँफे–मार्तडी सडक खण्डको रापकमा दिउँसो जीपबाट खसेर घाइते भएका थिए ।

बडीमालिका नगरपालिका–६ जडाङ्गाबाट मार्तडी आउदै गरेको से १ ज ११४७ नम्वरको जीपमा बसेका बुढा पछाडिबाट खसेर घाइते भएका हुन् । घाइते भएका बुढाको जिल्ला अस्पताल बाजुराका उपचार हुन नसकी थप उपचारका लागि धनगढी रिफर गरिएको थियो । धनगढी लिँदै गर्दा बीचमै मृत्यु भएको हो ।

घाइते बुढाको टाउको र दुबै हातमा गम्भीर चोट लागेको थियो । जीप चालकलाई प्रहरीले नियन्त्रणमा लिएको छ । जीपमा क्षमता भन्दा बढी यात्रु राखेकाले बस्ने ठाउँ नहुँदा जीपको डालाबाट खसेर घाइते भएको प्रहरीले जनाएको छ ।

]]>